Tomato Dal Curry:రుచికరమైన హోటల్ స్టైల్ టమోటా పప్పు - ఇంట్లోనే సూపర్ టేస్ట్..టమోటా పప్పు అందరికీ ఇష్టమైన రెసిపీ. హోటల్స్లో తిన్నప్పుడు ఆ ఘుమఘుమలాడే రుచి, టమాటా టేస్ట్ ఎంత బాగుంటుందో తెలుసు కదా? కానీ ఇంట్లో చేస్తే అంత స్టైల్ రావడం లేదని చాలామంది అనుకుంటారు. ఈ సింపుల్ ట్రిక్స్తో చేస్తే సేమ్ హోటల్ లాంటి టేస్ట్ వస్తుంది. ఇప్పుడు ట్రై చేసి చూడండి – రుచి అద్దిరిపోతుంది!
కావాల్సిన పదార్థాలు (4-5 మందికి):
కందిపప్పు (తూర్ డాల్) - ¼ కప్పు
టమోటాలు - 4 (పెద్దవి)
ఉల్లిపాయలు - 2 (మీడియం సైజ్)
పచ్చిమిర్చి - 4
చింతపండు - నిమ్మకాయ సైజ్ ముక్క
ఉప్పు - రుచికి సరిపడా (సుమారు 2 టీస్పూన్లు)
పసుపు - ½ టీస్పూన్
కసూరి మేథీ - 1 చిటికెడు
ఆయిల్ - 4 టేబుల్ స్పూన్లు
అల్లం వెల్లుల్లి పేస్ట్ - 1 టేబుల్ స్పూన్
కారం పొడి - 2 టేబుల్ స్పూన్లు
ధనియా పొడి - ½ టేబుల్ స్పూన్
పంచదార - చిటికెడు (ఆప్షనల్, బ్యాలెన్స్ కోసం)
నెయ్యి - 1 టేబుల్ స్పూన్
ALSO READ:కొబ్బరి, బెల్లం కలిపి తినడం వల్ల ఎన్నో ఆరోగ్య ప్రయోజనాలు.తాలింపు కోసం:
వెల్లుల్లి రెబ్బలు - 8 (కచ్చాగా దంచినవి)
ఎండు మిర్చి - 6
ఆవాలు - 1 టీస్పూన్
జీలకర్ర - 1 టీస్పూన్
కరివేపాకు - 2 రెమ్మలు
కొత్తిమీర - అలంకరణకు
తయారు విధానం (స్టెప్ బై స్టెప్):
కందిపప్పును 30 నిమిషాలు నానబెట్టండి. టమోటాలను పెద్ద ముక్కలుగా, ఉల్లిపాయలను సన్నగా చాప్ చేయండి. పచ్చిమిర్చిని నిలువుగా చీల్చండి. చింతపండును 10 నిమిషాలు నానబెట్టి రసం తీసుకోండి.
ప్రెషర్ కుక్కర్లో నానబెట్టిన పప్పు, టమోటా ముక్కలు, 2 టీస్పూన్ల ఉప్పు, కొద్దిగా పసుపు, 1 టీస్పూన్ ఆయిల్ వేసి మూత పెట్టి 2 విజిల్స్ వచ్చేవరకు ఉడికించండి.
కడాయిలో 2 టేబుల్ స్పూన్ల ఆయిల్ వేడి చేయండి. ఉల్లిపాయ ముక్కలు, పచ్చిమిర్చి చీలికలు వేసి బంగారు రంగు వచ్చేవరకు వేయించండి. కసూరి మేథీ చిటికెడు, కొద్దిగా పసుపు, అల్లం వెల్లుల్లి పేస్ట్ వేసి మగ్గనివ్వండి. చింతపండు రసం పోసి ఆయిల్ పైకి తేలేవరకు వేయించండి.
కారం పొడి, ధనియా పొడి వేసి కలపండి. ఉడికిన పప్పు-టమోటా మిక్స్చర్ వేసి లో ఫ్లేమ్లో 5 నిమిషాలు మరిగించండి. రుచికి ఉప్పు, కొద్దిగా పంచదార సరిచూసుకోండి.
మరో పాన్లో నెయ్యి + 1 టేబుల్ స్పూన్ ఆయిల్ వేడి చేయండి. దంచిన వెల్లుల్లి, ఎండు మిర్చి, ఆవాలు, జీలకర్ర, కరివేపాకు, చిటికెడు పసుపు వేసి బాగా వేయించండి. ఈ తాలింపును పప్పులోకి పోసి మిక్స్ చేయండి. చివరగా కొత్తిమీర చల్లండి.
అంతే! మీ ఘుమఘుమలాడే హోటల్ స్టైల్ టమోటా పప్పు రెడీ. అన్నంలో నెయ్యి కలిపి, పప్పు పోసి తినండి – సూపర్ టేస్ట్!
