Cholesterol Diet Tips:అన్నం మానేసి 'చపాతీ' తింటున్నారా? అయితే జాగ్రత్త.. కొలెస్ట్రాల్ కరిగేది ఆ రొట్టెతోనే!
బరువు తగ్గాలని, షుగర్ కంట్రోల్ చేసుకోవాలని చాలామంది అన్నం (Rice) మానేసి రొట్టెలు (Roti) తినడం మొదలుపెడతారు. "రెండు చపాతీలు తింటే చాలు.. హెల్దీగా ఉంటాం" అనుకుంటారు.
కానీ, మీరు తినే రొట్టె నిజంగానే మీ ఆరోగ్యాన్ని కాపాడుతుందా? లేక షుగర్ ని పెంచుతుందా? డాక్టర్ల సూచనల ప్రకారం.. ఏ రొట్టె తింటే బరువు, కొలెస్ట్రాల్ తగ్గుతాయో ఇప్పుడు తెలుసుకుందాం.
1. గోధుమ రొట్టె (Wheat Roti): మంచిదేనా?
మనం రెగ్యులర్ గా తినేది ఇదే. కానీ గోధుమలను ప్రాసెస్ చేసినప్పుడు అందులో ఫైబర్ పోతుంది. దీనివల్ల గ్లైసెమిక్ ఇండెక్స్ (GI) పెరిగి, తిన్న వెంటనే రక్తంలో షుగర్ లెవెల్స్ పెరుగుతాయి.
టిప్: గోధుమ రొట్టె తినాలనుకుంటే.. పిండిలో కొంచెం సోయా లేదా శనగపిండి కలిపి చేసుకోండి. అప్పుడే మంచిది.
2. జొన్న రొట్టె (Jowar Roti): కొలెస్ట్రాల్ కి చెక్!
బరువు తగ్గాలనుకునే వారికి, గుండె సమస్యలు ఉన్నవారికి 'జొన్న రొట్టె' నెంబర్ వన్ ఛాయిస్.
లాభాలు: ఇందులో కాంప్లెక్స్ కార్బోహైడ్రేట్స్ ఉంటాయి. ఇవి నెమ్మదిగా జీర్ణమవుతాయి. దీనివల్ల ఆకలి త్వరగా వేయదు, షుగర్ పెరగదు. ముఖ్యంగా శరీరంలో చెడు కొలెస్ట్రాల్ ను తగ్గించడంలో జొన్న రొట్టె అద్భుతంగా పనిచేస్తుంది.
3. రాగి రొట్టె (Ragi Roti): కాల్షియం పవర్!
ఇది ఆల్ రౌండర్. పిల్లల నుంచి పెద్దల వరకు అందరికీ మంచిది.
లాభాలు: రాగుల్లో కాల్షియం, ఫైబర్ పుష్కలంగా ఉంటాయి. ఎముకల బలానికి, మంచి నిద్రకు, జీర్ణక్రియకు ఇది బెస్ట్. షుగర్ పేషెంట్స్ కి రాగి రొట్టె ఒక వరం లాంటిది.
4. సజ్జలు / మిల్లెట్ రోటీ (Bajra): చలికాలం స్పెషల్
చలికాలంలో బాడీని వెచ్చగా ఉంచడానికి సజ్జ రొట్టెలు బెస్ట్. ఇందులో ఐరన్, ఫైబర్ ఎక్కువ. మలబద్ధకం, కడుపు ఉబ్బరం వంటి సమస్యలను తగ్గిస్తుంది.
జాగ్రత్త: ఇవి వేడి చేస్తాయి కాబట్టి, వారానికి రెండు సార్లు మాత్రమే తినడం మంచిది.
❌ 5. వీటితో జాగ్రత్త (Rice & Corn Roti):
బియ్యం రొట్టె: ఇది అన్నం తినడంతో సమానం. ఫైబర్ తక్కువ, షుగర్ స్పీడ్ గా పెరుగుతుంది. డయాబెటిస్, PCOS ఉన్నవారు దీనికి దూరంగా ఉండటమే మంచిది.
మొక్కజొన్న రొట్టె: ఇందులో కార్బోహైడ్రేట్స్ ఎక్కువ. త్వరగా బరువు పెరిగే ఛాన్స్ ఉంది. గ్యాస్ సమస్యలు కూడా రావచ్చు.
ఫైనల్ గా ఏది బెస్ట్?
బరువు, కొలెస్ట్రాల్ తగ్గాలంటే "జొన్న రొట్టె" బెస్ట్. ఎముకల బలం, ఓవరాల్ హెల్త్ కి "రాగి రొట్టె" బెస్ట్. గోధుమ రొట్టె తినేవాళ్ళు మల్టీగ్రెయిన్ (Multigrain) పద్ధతిలో తినడం మంచిది.
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు 'telugulifestyle' బాధ్యత వహించదని గమనించగలరు.
