.webp "Nuvvula Chutney")
Nuvvula Chutney:ఇడ్లీ, దోశలోకి ఎప్పుడూ తినే చట్నీలేనా? ఒక్కసారి ఇది ట్రై చేయండి.. రుచి అద్భుతం... నువ్వుల పచ్చడి (Sesame Chutney) ఇడ్లీ, దోశ, వడ వంటి టిఫిన్స్లోకి, అలాగే వేడి వేడి అన్నంలోకి చాలా రుచిగా ఉంటుంది. ఇది ఆరోగ్యానికి ఎంతో మంచిది, చేయడానికి చాలా తక్కువ సమయం పడుతుంది.
కావలసిన పదార్థాలు:
తెల్ల నువ్వులు: 1 కప్పు
పచ్చిమిర్చి: 4-6 (కారాన్ని బట్టి)
ఎండుమిర్చి: 2 (రుచి కోసం)
చింతపండు: చిన్న ఉసిరికాయంత (నానబెట్టుకోవాలి)
వెల్లుల్లి రెబ్బలు: 4-5
జీలకర్ర: 1/2 టీస్పూన్
ఉప్పు: రుచికి సరిపడా
నూనె: 1 టేబుల్ స్పూన్
పోపు కోసం (తాలింపు):
నూనె: 1 స్పూన్
ఆవాలు, జీలకర్ర, మినప్పప్పు: ఒక్కో టీస్పూన్
ఎండుమిర్చి: 1
కరివేపాకు: 2 రెమ్మలు
ఇంగువ: చిటికెడు (ఆప్షనల్)
తయారీ విధానం:
ముందుగా స్టవ్ వెలిగించి కడాయి పెట్టుకుని, నువ్వులను మంట తక్కువలో (Sim) పెట్టి దోరగా వేయించుకోవాలి. నువ్వులు చిటపటలాడుతూ, మంచి వాసన వచ్చే వరకు వేయించి పక్కన ప్లేట్లోకి తీసుకుని చల్లార్చాలి.
మంట ఎక్కువగా పెడితే నువ్వులు మాడిపోయి, పచ్చడి చేదుగా మారుతుంది.అదే కడాయిలో కొద్దిగా నూనె వేసి పచ్చిమిర్చి, ఎండుమిర్చి, జీలకర్ర వేసి వేయించుకుని పక్కన పెట్టుకోవాలి.
మిక్సీ జార్లో వేయించిన నువ్వులు, పచ్చిమిర్చి, వెల్లుల్లి రెబ్బలు, నానబెట్టిన చింతపండు, తగినంత ఉప్పు వేసి ముందుగా నీళ్లు పోయకుండా బరకగా మిక్సీ పట్టాలి.ఆ తర్వాత తగినన్ని నీళ్లు పోసి మెత్తగా (పేస్ట్లా) రుబ్బుకోవాలి.
చివరగా చిన్న కడాయిలో నూనె వేడి చేసి, పోపు దినుసులన్నీ (ఆవాలు, మినప్పప్పు, ఎండుమిర్చి, కరివేపాకు, ఇంగువ) వేసి వేయించుకోవాలి. ఈ తాలింపును పచ్చడిలో కలుపుకుంటే సరిపోతుంది.
రుచిని పెంచే చిట్కాలు:
నువ్వులతో పాటు ఒక గుప్పెడు వేయించిన పల్లీలు కూడా కలిపి మిక్సీ పడితే పచ్చడి ఇంకా కమ్మగా ఉంటుంది.మీకు ఇష్టమైతే వెల్లుల్లితో పాటు చిన్న అల్లం ముక్క కూడా వేసుకోవచ్చు.
ఇందులో పచ్చి కొబ్బరి వేయలేదు కాబట్టి ఫ్రిజ్లో పెడితే 2-3 రోజులు నిల్వ ఉంటుంది.
.webp)
