Joint Pains:మోకాళ్ల నొప్పులు వేధిస్తున్నాయా? ఈ 5 రకాల ఆహారాలకు దూరంగా ఉంటే.. ఆపరేషన్ అవసరమే రాదు!
వయసు పెరిగే కొద్దీ మోకాళ్ల నొప్పులు రావడం సహజం అనుకుంటాం. కానీ, మనం తీసుకునే కొన్ని రకాల ఆహారాలే మన కీళ్లను గుల్ల చేస్తున్నాయని మీకు తెలుసా? కీళ్లలోని మృదులాస్థి అరిగిపోవడానికి, గౌట్ (Gout) సమస్య రావడానికి మనం తినే ఆహారమే ప్రధాన కారణం.
మీరు మోకాళ్ల నొప్పులతో బాధపడుతుంటే, డాక్టర్లు చెప్పే ఈ 5 ఆహార పదార్థాలను వెంటనే మీ డైట్ నుంచి తీసేయండి. అవేంటో చూద్దాం..
1. రెడ్ మీట్ (Red Meat)
మీకు నాన్వెజ్ అంటే ఇష్టమా? అయితే జాగ్రత్త! మటన్ వంటి రెడ్ మీట్లో 'ప్యూరిన్లు' (Purines) ఎక్కువగా ఉంటాయి. ఇవి శరీరంలో విచ్ఛిన్నమైనప్పుడు 'యూరిక్ యాసిడ్' తయారవుతుంది. ఇది కీళ్లలో చేరి భరించలేనంత నొప్పిని, వాపును కలిగిస్తుంది. దీనిలో ఉండే ట్రాన్స్ ఫ్యాట్స్ నొప్పిని మరింత పెంచుతాయి. కాబట్టి మాంసాహారం తగ్గించి, శాకాహారం వైపు మళ్ళడం మంచిది.
2. చక్కెర పదార్థాలు (Sugars & Sweets)
స్వీట్లు, కూల్డ్రింక్స్, ప్యాక్డ్ జ్యూస్లు కేవలం బరువును మాత్రమే కాదు, మోకాళ్ల నొప్పులను కూడా పెంచుతాయి. చక్కెర రక్తంలో కలిసినప్పుడు శరీరం వాపు (Inflammation)ను ప్రేరేపించే కణాలను విడుదల చేస్తుంది. ఇవి కీళ్ల కణజాలాన్ని దెబ్బతీస్తాయి. మైదాతో చేసిన బేకరీ ఫుడ్స్కి కూడా దూరంగా ఉండటం మంచిది.
3. వంట నూనెలు & వేపుళ్లు (Omega-6 Fatty Acids)
మనం వాడే సన్ఫ్లవర్ ఆయిల్, కార్న్ ఆయిల్, వేరుశనగ నూనెలలో ఒమేగా-6 ఫ్యాటీ యాసిడ్స్ ఎక్కువగా ఉంటాయి. ఇవి శరీరానికి అవసరమే కానీ.. మోతాదు మించితే విషం! ఇవి కీళ్లలో వాపును కలిగించే రసాయనాలను ఉత్పత్తి చేస్తాయి. చిప్స్, డీప్ ఫ్రై చేసిన జంక్ ఫుడ్లో ఇవి మరీ ఎక్కువగా ఉంటాయి.
4. ఆల్కహాల్ (Alcohol)
మందు తాగే అలవాటు కీళ్ల మధ్య ఉండే జిగురు లాంటి ద్రవాన్ని (Synovial Fluid) ఎండిపోయేలా చేస్తుంది. ఆల్కహాల్ శరీరాన్ని డీహైడ్రేట్ చేయడమే కాకుండా, మీరు నొప్పుల కోసం వాడే మందులు పనిచేయకుండా అడ్డుపడుతుంది. గౌట్ సమస్య ఉన్నవారైతే ఆల్కహాల్ను పూర్తిగా మానేయడమే ఉత్తమం.
5. ఉప్పు (Salt & MSG)
కూరలో ఉప్పు ఎక్కువైతే రుచి పోవడమే కాదు.. మోకాళ్లు కూడా దెబ్బతింటాయి! ఉప్పు శరీర కణాల్లో నీరు నిల్వ ఉండేలా చేసి, కీళ్ల వాపును పెంచుతుంది. ముఖ్యంగా పిజ్జా, బర్గర్, ప్యాక్ చేసిన చిప్స్లో ఉండే 'మోనోసోడియం గ్లుటామేట్' (MSG) దీర్ఘకాలిక కీళ్ల నొప్పులకు కారణమవుతుంది.
చివరిగా.. మోకాళ్ల నొప్పులు తగ్గాలంటే మందుల కంటే ముందు.. మంచం మీద నుంచి లేవగానే తినే ఆహారంపై శ్రద్ధ పెట్టండి. ఈ 5 పదార్థాలకు దూరంగా ఉంటే మీ కీళ్లు పదికాలాల పాటు పదిలంగా ఉంటాయి!
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు 'telugulifestyle' బాధ్యత వహించదని గమనించగలరు.
