పెరుగుతున్న కరెంటు బిల్లులతో సామాన్యులు తీవ్ర ఇబ్బందులు పడుతున్నారు. ఈ సమస్యకు శాశ్వత చెక్ పెట్టడానికి కేంద్ర ప్రభుత్వం ఒక సరికొత్త పథకాన్ని తీసుకువచ్చింది. అదే 'పీఎం సూర్య ఘర్ ముఫ్త్ బిజిలీ యోజన' (PM Surya Ghar Muft Bijli Yojana).
ఈ పథకం ద్వారా ఇంటి పైకప్పు మీద సోలార్ ప్యానెల్స్ అమర్చుకుంటే కరెంటు బిల్లు కట్టాల్సిన పనే ఉండదు. పైగా ప్రభుత్వమే మీకు భారీగా సబ్సిడీ డబ్బులు ఇస్తుంది.
ఈ పథకం అద్భుతమైన ప్రయోజనాలు:
ఉచిత విద్యుత్: సోలార్ ప్యానెల్స్ పెట్టుకున్న వారికి నెలకు 300 యూనిట్ల వరకు కరెంటు పూర్తిగా ఉచితం. ఇంట్లో ఏసీలు, ఫ్రిజ్లు, మోటార్లు వాడుకున్నా బిల్లు రాదు.
భారీ సబ్సిడీ (Subsidy): 1 కిలోవాట్ సోలార్ సిస్టమ్ పెట్టుకుంటే ₹30,000, 2 కిలోవాట్లకు ₹60,000, అలాగే 3 కిలోవాట్లు అంతకంటే ఎక్కువ సామర్థ్యం ఉన్న సోలార్ సిస్టమ్ పెట్టుకుంటే గరిష్టంగా ₹78,000 వరకు సబ్సిడీని నేరుగా మీ బ్యాంక్ ఖాతాలో జమ చేస్తారు.
మిగిలిన కరెంటు అమ్మేయొచ్చు: మీకు అవసరం పోనూ మిగిలిన విద్యుత్ను ప్రభుత్వానికే (డిస్కంలకు) అమ్ముకుని ప్రతి నెలా అదనపు ఆదాయం కూడా పొందవచ్చు.
ఎవరు అర్హులు? ఎలా అప్లై చేయాలి? సొంత ఇల్లు ఉండి, పైకప్పు (Roof) మీద సోలార్ ప్యానెల్స్ పెట్టుకోవడానికి తగినంత స్థలం ఉన్న ప్రతి భారతీయ పౌరుడు ఈ పథకానికి అర్హులే. దీనికోసం ఎక్కడికీ తిరగాల్సిన పనిలేదు.
పీఎం సూర్య ఘర్ అధికారిక వెబ్సైట్ (pmsuryaghar.gov.in) లోకి వెళ్లి, మీ కరెంటు బిల్లు నెంబర్, ఆధార్ మరియు బ్యాంక్ వివరాలతో ఆన్లైన్లో చాలా సులభంగా దరఖాస్తు చేసుకోవచ్చు.
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు 'telugulifestyle' బాధ్యత వహించదని గమనించగలరు.
