Annavaram Prasadam:అన్నవరం శ్రీ వీర వేంకట సత్యనారాయణ స్వామి వారి దర్శనం ఎంత భాగ్యమో.. దర్శనానంతరం దొరికే స్వామివారి ప్రసాదం తినడం కూడా అంతే అదృష్టం. ఆ ప్రసాదం నోట్లో వేసుకోగానే కరిగిపోతూ, ఎంతో కమ్మగా ఉంటుంది. అన్నవరం వెళ్ళిన ప్రతిసారీ ఆ రుచికి మనం మైమరచిపోతాం.
అయితే, అలాంటి అద్భుతమైన రుచిని మీరు ఇంట్లోనే ఆస్వాదించాలనుకుంటున్నారా? అయితే ఈ రెసిపీ మీకోసమే. అచ్చం గుడిలో లాంటి రుచితో, జిగురుతో అన్నవరం ప్రసాదం సులువుగా ఎలా తయారు చేసుకోవాలో ఇప్పుడు చూద్దాం.
ఎర్ర గోధుమ నూక (రవ్వ): 1 కప్పు
పంచదార: 1 కప్పు
బెల్లం తురుము: 1 కప్పు
నెయ్యి: 1/3 కప్పు
జాజికాయ: చిన్న ముక్క
పటిక (Alum): 1/4 టీస్పూన్ (ఇదే అసలైన సీక్రెట్!)
యాలకులు: 4-5
కుంకుమపువ్వు: 2 చిటికెలు
నీళ్లు: 3 కప్పులు
ముందుగా జాజికాయ, పటిక, యాలకులు, కుంకుమపువ్వు తీసుకుని మెత్తని పొడిలా నూరి పక్కన పెట్టుకోవాలి.
స్టవ్ ఆన్ చేసి, మందపాటి అడుగు ఉన్న కడాయి (పాన్) పెట్టుకోవాలి. అందులో ఎర్ర గోధుమ నూక వేసి మంటను సిమ్లో ఉంచి, పచ్చివాసన పోయేలా దోరగా వేయించి పక్కన పెట్టుకోవాలి.
ఇప్పుడు అదే కడాయిలో 3 కప్పుల నీళ్లు పోసి బాగా మరిగించాలి.
నీళ్లు మరుగుతున్నప్పుడు, ముందుగా వేయించి పెట్టుకున్న గోధుమ నూకను అందులో వేసి ఉండలు కట్టకుండా కలపాలి. మూతపెట్టి, మీడియం మంట మీద రవ్వను మెత్తగా ఉడికించాలి.
బెల్లం పూర్తిగా కరిగి, మిశ్రమం పైకి బుడగలు వస్తున్నప్పుడు మూతపెట్టి మరో 5-6 నిమిషాలు ఉడకనివ్వాలి.
చివరగా మనం ముందుగా దంచిపెట్టుకున్న జాజికాయ, పటిక, యాలకుల పొడిని వేసి బాగా కలపాలి. చివరగా నెయ్యి జోడించి కలుపుకోవాలి.
ప్రసాదం కాస్త చిక్కబడి, పాన్ కు అతుక్కోకుండా నెయ్యి పైకి తేలుతున్నప్పుడు స్టవ్ ఆఫ్ చేసుకోవాలి.
అంతే! ఎంతో రుచికరమైన, కమ్మని అన్నవరం సత్యదేవుని ప్రసాదం మీ ఇంట్లోనే రెడీ. వేడివేడిగా తిన్నా, చల్లారాక తిన్నా దీని రుచి అమోఘంగా ఉంటుంది.
ఇంకెందుకు ఆలస్యం.. రాబోయే పండుగకు లేదా పూజకు ఈ ప్రసాదాన్ని ఇంట్లోనే తయారు చేసి స్వామివారికి నైవేద్యంగా సమర్పించండి!
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు 'telugulifestyle' బాధ్యత వహించదని గమనించగలరు.
