మన ఇంటి పరిసరాల్లో లేదా కంచెల మీద ఎన్నో రకాల తీగలు, మొక్కలు కనిపిస్తుంటాయి. వాటి గురించి తెలియక పిచ్చి మొక్కలు అనుకుని పీకేస్తుంటాం. కానీ, అందులో ఉండే 'తిప్పతీగ' (Giloy) మన ఆరోగ్యానికి ఒక సంజీవని లాంటిది అని మీకు తెలుసా?
రోగనిరోధక శక్తికి బ్రహ్మాస్త్రం
ప్రస్తుత కాలంలో ఇమ్యూనిటీ ఎంత ముఖ్యమో మనందరికీ తెలుసు. శరీరంలో రోగనిరోధక శక్తిని అమాంతం పెంచడంలో తిప్పతీగ అద్భుతంగా పనిచేస్తుందని ఆయుర్వేద నిపుణులు చెబుతున్నారు.
తిప్పతీగతో దాగి ఉన్న ఇతర అద్భుత ప్రయోజనాలు:
జలుబు, దగ్గు మాయం: వాతావరణం మారినప్పుడు వచ్చే దగ్గు, జలుబు, గొంతు నొప్పి, జ్వరంతో బాధపడేవారికి ఇది గొప్ప ఉపశమనం.
జీర్ణ సమస్యలు దూరం: గ్యాస్, కడుపు ఉబ్బరం, అసిడిటీ వంటి పొట్ట సమస్యలతో ఇబ్బంది పడేవారు దీనిని వాడితే జీర్ణవ్యవస్థ మెరుగుపడుతుంది.
ఏలా వాడాలి?
ఒక గ్లాసు గోరువెచ్చని నీటిలో లేదా పాలలో కొద్దిగా తిప్పతీగ చూర్ణం, దానికి తోడుగా కొంచెం అల్లం రసం కలుపుకుని తాగితే.. గొంతు నొప్పి, జ్వరం, జలుబు నుంచి చాలా తొందరగా ఉపశమనం లభిస్తుంది.
మీ ఇంట్లో లేదా మీ ఇంటి చుట్టుపక్కల తిప్పతీగ మొక్క ఉందా? దీనిని మీరు ఎప్పుడైనా ఆరోగ్య ప్రయోజనాల కోసం వాడారా?
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు 'telugulifestyle' బాధ్యత వహించదని గమనించగలరు.
