మన ఇంటి ఆవరణలో లేదా బాల్కనీలో అందం కోసం రకరకాల మొక్కలను పెంచుకుంటూ ఉంటాం. కానీ, వాటిలో కొన్ని మొక్కలు కేవలం అందాన్ని ఇవ్వడమే కాదు... అంతకు మించిన అద్భుతమైన ఆరోగ్య, సౌందర్య ప్రయోజనాలను కలిగి ఉంటాయని మనలో చాలా మందికి తెలియదు. అలాంటి వాటిలో 'నూరు వరహాల మొక్క' (Ixora Coccinea) ఒకటి.
రూబియాసి (Rubiaceae) కుటుంబానికి చెందిన ఈ మొక్క ఎరుపు, పింక్, వైట్, ఎల్లో వంటి రంగురంగుల గుత్తుల పూలతో చూడటానికి ఎంతో ఆకర్షణీయంగా ఉంటుంది.
1. చర్మ వ్యాధులకు చెక్ (తామర, గజ్జి నివారణ)
చర్మ సంబంధిత సమస్యలతో బాధపడేవారికి నూరు వరహాల పువ్వులు అద్భుతంగా పనిచేస్తాయి.
ఎలా వాడాలి?: కొబ్బరి నూనెలో కొన్ని నూరు వరహాల పువ్వులను వేసి బాగా మరిగించాలి. ఆ తర్వాత నూనెను వడకట్టి నిల్వ చేసుకోవాలి. ఈ నూనెను క్రమం తప్పకుండా చర్మంపై రాస్తుంటే తామర, గజ్జి, దురద వంటి చర్మ వ్యాధులు త్వరగా తగ్గుముఖం పడతాయి.
2. చుండ్రు సమస్యకు శాశ్వత పరిష్కారం
ఈ రోజుల్లో వయసుతో సంబంధం లేకుండా చాలామందిని వేధించే ప్రధాన సమస్య చుండ్రు. పైన చెప్పుకున్న విధంగా నూరు వరహాల పువ్వులతో తయారుచేసిన కొబ్బరి నూనెను తలకు పట్టించి బాగా మసాజ్ చేయడం వల్ల చుండ్రు సమస్య పూర్తిగా తగ్గిపోతుంది. అంతేకాదు, ఇది తల చర్మాన్ని (Scalp) ఆరోగ్యంగా ఉంచుతుంది.
ముఖంపై ఉండే మృతకణాలు (Dead Cells) తొలగిపోయి, చర్మం కాంతివంతంగా మెరవడానికి ఈ పువ్వులు బాగా ఉపయోగపడతాయి.
ఎలా వాడాలి?: నూరు వరహాల పువ్వులను మెత్తటి పేస్ట్లా చేసుకోవాలి. ఈ పేస్ట్లో కొద్దిగా బియ్యం పిండి కలిపి ముఖానికి ప్యాక్లా వేసుకోవాలి. బాగా ఆరిన తర్వాత చల్లని నీటితో కడిగేసుకుంటే ముఖం ఇన్స్టంట్గా గ్లో వస్తుంది.
4. మొటిమలు, నల్లటి మచ్చల నివారణ
ముఖంపై మొటిమలు, వాటి వల్ల వచ్చే నల్లటి మచ్చలతో ఇబ్బంది పడేవారికి ఇది మంచి హోమ్ రెమెడీ. ఈ పువ్వుల పేస్ట్ను నేరుగా మొటిమలు ఉన్న చోట రాసి, ఆరిన తర్వాత శుభ్రం చేసుకుంటే మొటిమలు తగ్గడమే కాకుండా ముఖంపై మచ్చలు కూడా మాయమవుతాయి.
నూరు వరహాల పువ్వులతో చేసుకునే ప్రత్యేకమైన టీ తాగడం వల్ల మానసిక ఒత్తిడి, తీవ్రమైన తలనొప్పి, గొంతు నొప్పి క్షణాల్లో మాయమవుతాయి.
టీ తయారుచేసే విధానం: 1. ఒక గ్లాసు నీటిలో కొన్ని నూరు వరహాల పువ్వులను వేసి బాగా మరిగించాలి. 2. నీరు బాగా మరిగిన తర్వాత వడకట్టుకోవాలి. 3. ఈ డికాషన్లో కొద్దిగా నిమ్మరసం, తేనె కలుపుకుని వేడిగా తాగాలి.
చూశారుగా! కేవలం అందానికే అనుకునే నూరు వరహాల మొక్కలో ఎన్ని దాగున్నాయో. ఇంకెందుకు ఆలస్యం, మీ ఇంట్లో గనుక ఈ మొక్క లేకపోతే వెంటనే తెచ్చి పెంచుకోండి... ఆరోగ్యాన్ని, అందాన్ని ఉచితంగా పొందండి!
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు 'telugulifestyle' బాధ్యత వహించదని గమనించగలరు.
