ఉదయం లేవగానే వేడి వేడి చాయ్ కప్పు చేతిలో పడితే ఆ కిక్కే వేరు. అందులోనూ మంచి సువాసనతో, ఘాటైన మసాలా చాయ్ అయితే రోజంతా ఫుల్ యాక్టివ్గా ఉండొచ్చు. చాలామంది ఇళ్లలో టీ చేసినా.. హోటల్ లేదా కేఫ్లలో దొరికే ఆ రుచి, చిక్కదనం రావడం లేదని ఫీలవుతుంటారు.
అయితే హోటల్ స్టైల్ కమ్మని మసాలా చాయ్ ఇంట్లోనే ఈజీగా ఎలా చేసుకోవాలో, అందులోకి వాడే ఆ ‘సీక్రెట్ మసాలా పొడి’ ఎలా తయారుచేయాలో ఇప్పుడు చూద్దాం
కావలసిన పదార్థాలు:
పాలు: 2 కప్పులు (చిక్కటి పాలు అయితే బాగుంటుంది)
నీళ్లు: 1.5 కప్పు
టీ పొడి: 2 నుండి 3 స్పూన్లు (మీరు వాడే బ్రాండ్ను బట్టి)
చక్కెర: రుచికి సరిపడా
సీక్రెట్ మసాలా కోసం:
యాలకులు (Cardamom): 4
లవంగాలు (Cloves): 3
మిరియాలు (Black pepper): 4-5
దాల్చిన చెక్క (Cinnamon): చిన్న ముక్క
అల్లం (Ginger): చిన్న ముక్క (లేదా అర స్పూన్ సొంఠి పొడి)
తయారుచేసే విధానం:
1.మసాలా సిద్ధం చేసుకోవడం:స్టెప్ 1.
ముందుగా రోట్లో యాలకులు, లవంగాలు, మిరియాలు, దాల్చిన చెక్క వేసి కచ్చాపచ్చాగా దంచుకోవాలి. చివరగా అల్లం ముక్క కూడా వేసి కొద్దిగా నలగగొట్టాలి. (మిక్సీలో వేయడం కంటే రోట్లో దంచితేనే సువాసన అద్భుతంగా ఉంటుంది).
ఇప్పుడు స్టవ్ మీద ఒక గిన్నె పెట్టి నీళ్లు పోయాలి. నీళ్లు బాగా మరిగేటప్పుడు మనం దంచి పెట్టుకున్న మసాలా మిశ్రమాన్ని అందులో వేసి, మూత పెట్టి మీడియం మంటపై 2 నిమిషాలు మళ్లించాలి. దీనివల్ల మసాలాల ఫ్లేవర్ మొత్తం నీటిలోకి దిగుతుంది.
3.టీ పొడి, చక్కెర వేయడం:స్టెప్ 3.
మసాలా నీరు మరుగుతున్నప్పుడు అందులో టీ పొడి, చక్కెర వేసి మరో 2-3 నిమిషాలు బాగా మరగనివ్వాలి. డికాషన్ మంచి రంగులోకి వచ్చే వరకు మరిగించడం ముఖ్యం.
4.పాలు పోసి మరిగించడం:స్టెప్ 4.
డికాషన్ బాగా మరిగాక, అందులో చిక్కటి పాలు పోయాలి. పాలు పోసాక టీని మీడియం మంట మీద బాగా పొంగు రానివ్వాలి.
5.హోటల్ స్టైల్ ట్విస్ట్:స్టెప్ 5.
టీ బాగా మరుగుతున్నప్పుడు ఒక గరిటెతో టీని పైకి, కిందకు తిప్పుతూ (టీ స్టాల్స్లో చేసినట్లు) బాగా కలపాలి. ఇలా చేయడం వల్ల టీకి మంచి టెక్స్చర్ వస్తుంది. టీ చిక్కబడే వరకు మరో 2 నిమిషాలు మరిగించి స్టవ్ ఆఫ్ చేయాలి.
చిట్కా: హోటల్ స్టైల్ రుచి రావాలంటే పాలు పోసిన తర్వాత ఎక్కువ సేపు బాగా మరగనివ్వాలి. అప్పుడే టీకి ఆ ప్రత్యేకమైన చిక్కదనం, రుచి వస్తాయి.
ఇప్పుడు వేడి వేడి మసాలా చాయ్ను కప్పుల్లోకి వడకట్టుకుని, మీకు నచ్చిన బిస్కెట్లతో సర్వ్ చేసుకోండి. వర్షం పడేటప్పుడైనా, సాయంత్రం అలసటగా అనిపించినప్పుడైనా ఈ మసాలా టీ తాగితే ఒత్తిడి మొత్తం మాయమైపోతుంది!
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు 'telugulifestyle' బాధ్యత వహించదని గమనించగలరు.
