చుండ్రు (Dandruff) అనేది ప్రస్తుత రోజుల్లో చాలా మందిని వేధించే ఒక సాధారణ సమస్య. చుండ్రు రాగానే కంగారు పడి మార్కెట్లో దొరికే రసాయనాలతో కూడిన రకరకాల షాంపూలను, నూనెలను వాడుతుంటారు. కానీ, మన వంటింట్లో దొరికే సహజ సిద్ధమైన పదార్థాలతో చుండ్రును చాలా సులభంగా మరియు శాశ్వతంగా వదిలించుకోవచ్చు.
చుండ్రును దూరం చేసి జుట్టును ఆరోగ్యంగా ఉంచే ఆ అద్భుతమైన 5 ఇంటి చిట్కాలు ఏమిటో ఇక్కడ చూద్దాం.
1. మెంతులు (Fenugreek Seeds)
మెంతులు చుండ్రును తగ్గించడంలో అద్భుతంగా పనిచేస్తాయి. మీ జుట్టు పరిమాణాన్ని బట్టి ఒకటి లేదా రెండు స్పూన్ల మెంతులను రాత్రంతా నీటిలో నానబెట్టి, ఉదయం మెత్తని పేస్ట్గా చేసుకోవాలి. దీన్ని తలకు బాగా పట్టించి ఒక గంట తర్వాత తలస్నానం చేయాలి. చుండ్రు సమస్య ఎక్కువగా ఉంటే వారానికి రెండుసార్లు, తక్కువగా ఉంటే వారానికి ఒకసారి చేస్తే మంచి ఫలితం ఉంటుంది.
2. పెరుగు మరియు నిమ్మరసం (Curd and Lemon)
పెరుగు జుట్టుకు సహజ కండిషనర్గా పనిచేయడమే కాకుండా చుండ్రును ఎఫెక్టివ్గా తగ్గిస్తుంది. తాజా పెరుగులో అర చెక్క నిమ్మరసం పిండి బాగా కలుపుకోవాలి. నిమ్మలోని సిట్రిక్ యాసిడ్ చుండ్రుకు కారణమయ్యే ఫంగస్ను నాశనం చేస్తుంది. దీన్ని జుట్టు కుదుళ్ల నుండి చివర్ల వరకు పట్టించి, అరగంట తర్వాత తేలికపాటి (మైల్డ్) షాంపూతో స్నానం చేయాలి.
వేపాకులలో ఫంగస్ను నాశనం చేసే యాంటీ-బ్యాక్టీరియల్ గుణాలు మెండుగా ఉంటాయి. కొన్ని వేపాకులను మెత్తని పేస్ట్గా చేసి జుట్టుకు పట్టించి అరగంట తర్వాత స్నానం చేయాలి. మీకు కావాలంటే ఈ పేస్ట్లో కొద్దిగా పసుపు, కాస్త పెరుగు కలిపి కూడా వాడుకోవచ్చు. ఇది చుండ్రు మూలాలను తొలగించడంతో పాటు జుట్టు రాలడాన్ని అరికట్టి, జుట్టు ఒత్తుగా పెరిగేలా చేస్తుంది.
4. కలబంద (Aloe Vera)
కలబందలోని అద్భుతమైన యాంటీ-ఫంగల్ లక్షణాలు తలలో దురద, మంటను తగ్గించి చర్మాన్ని ఆరోగ్యంగా ఉంచుతాయి. కలబంద గుజ్జును (జెల్) జుట్టు కుదుళ్ల నుండి చివర్ల వరకు పట్టించి, అరగంట ఆగి తలస్నానం చేయాలి. వారానికి ఒకటి లేదా రెండు సార్లు ఈ విధంగా చేస్తే చుండ్రు సమస్య సులభంగా తొలగిపోతుంది.
5. ఉల్లిపాయ రసం (Onion Juice)
ఉల్లిపాయలో ఉండే సల్ఫర్ మరియు ఫైటో-కెమికల్స్ చుండ్రుకు కారణమయ్యే ఫంగస్తో సమర్థవంతంగా పోరాడుతాయి. ఉల్లిపాయను ముక్కలుగా కోసి, పేస్ట్ చేసి దాని నుండి రసం తీసుకోవాలి. ఆ రసాన్ని జుట్టు కుదుళ్లకు పట్టించాలి. కొద్దిగా వాసన వచ్చినా సరే, చుండ్రును మరియు జుట్టు రాలే సమస్యను తగ్గించడంలో ఉల్లిపాయ రసం చాలా అద్భుతంగా పనిచేస్తుంది.
ముగింపు: చూశారుగా! మార్కెట్లో దొరికే ఖరీదైన ఉత్పత్తుల కంటే మన ఇంట్లో సులభంగా దొరికే ఈ సహజసిద్ధమైన వస్తువులతో చుండ్రును దూరం చేసుకోవచ్చు. మీకు అందుబాటులో ఉన్న ఏదైనా ఒక చిట్కాను ఎంచుకుని క్రమం తప్పకుండా పాటిస్తే చాలు.. చుండ్రు మాయం అవ్వడం 100% గ్యారెంటీ!
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు 'telugulifestyle' బాధ్యత వహించదని గమనించగలరు.
