kothimeera nilva pachadi: కొత్తిమీర నిల్వ పచ్చడి.. కొత్తిమీర ఈ చలికాలంలో చాలా విరివిగా లభ్యం అవుతుంది. అందువల్ల కొత్తిమీరతో నిల్వ పచ్చడి చేసుకుంటే ఇడ్లీ,dosa,అన్నంలోకి చాలా బాగుంటుంది.
కావలసినవి పదార్దాలు
కొత్తిమీర - ఐదు కట్టలు (పెద్దవి)
చింతపండు - 100 గ్రా
ఎండుమిర్చి - 50గ్రా
మెంతిపొడి - టీ స్పూను
ఆవాలు -రెండు టీ స్పూన్లు
జీలకర్ర - రెండు టీ స్పూన్లు
ఉప్పు - తగినంత
నూనె - 100 గ్రా
ఇంగువ - టీ స్పూను
బెల్లం -50 గ్రా.
తయారుచేసే విధానం
కొత్తిమీరను శుభ్రంగా కడిగి, తరిగి, తడి పోయే వరకు పూర్తిగా ఆరాలి. చింతపండులో కొద్దిగా నీరు పోసి స్టౌ మీద ఉంచి ఉడకనివ్వాలి. అది బాగా ఉడికి, చిక్కబడిన తరవాత పొయ్యి మీద నుంచి దించి పక్కన పెట్టాలి.
బాండిలో నూనె పోసి వేడయ్యాక ఇంగువ వేసి, కాగిన తరవాత ఆ నూనెను తీసి వేరే పాత్రలో పోసి పక్కన ఉంచాలి. తరవాత అదే బాండిలో మరి కొంచెం నూనె పోసి కాగాక జీలకర్ర,ఆవాలు వేగించి మరో గిన్నెలోకి తీసి ఉంచాలి.
ఎండుమిర్చిని కూడా వేగించి పక్కన ఉంచాలి. అదే బాండిలో కొద్దిగా నూనె పోసి అందులో కొత్తిమీర పచ్చివాసన పోయేలా వేగించి దించాలి. మిక్సీలో ముందుగా ఎండుమిర్చి మెత్తగా గ్రైండ్ చేసి, తరవాత కొత్తిమీర, చింతపండు గుజ్జు, ఉప్పు, బెల్లం వేసి మెత్తగా గ్రైండ్ చేయాలి.
ఈ మిశ్రమంలో వేయించిన పోపు, ఇంగువ వేసి కాచిన నూనె పోసి కలపాలి. ఇది నెల రోజుల వరకు నిల్వ ఉంటుంది.
