Paneer 65 Recipe:వీకెండ్ రాగానే మనందరికీ ఏదైనా స్పెషల్గా, కాస్త స్పైసీగా తినాలనిపిస్తుంది కదా! రెస్టారెంట్కి వెళ్ళిన ప్రతిసారీ మనం ఆర్డర్ చేసే ఫేవరెట్ స్టార్టర్లలో 'పనీర్ 65' కచ్చితంగా ఉంటుంది. పైన కరకరలాడుతూ, లోపల సాఫ్ట్గా ఉండే ఆ స్పైసీ పనీర్ ముక్కలు తింటుంటే ఆ మజాయే వేరు.
కానీ అలాంటి పర్ఫెక్ట్ రెస్టారెంట్ స్టైల్ రుచి ఇంట్లో చేస్తే రాదేమో అని చాలామంది అనుకుంటారు. అసలు టెన్షన్ వద్దు! ఈ ఆర్టికల్లో కొన్ని చిన్న చిన్న టిప్స్ పాటిస్తూ.. అచ్చం రెస్టారెంట్ స్టైల్ 'పనీర్ 65'ని ఇంట్లోనే ఈజీగా, టేస్టీగా ఎలా చేసుకోవాలో మీతో పంచుకోబోతున్నాను. ఈ వీకెండ్కి మీ ఇంట్లో వాళ్లకి ఇది చేసి పెట్టండి, కచ్చితంగా ఫిదా అయిపోతారు!
పన్నీరు తో ఎన్నో రకాల వంటలను చేసుకుంటూ ఉంటాం. రెస్టారెంట్ స్టైల్ లో ఇంట్లోనే ఈజీగా పనీర్ 65 తయారుచేసుకోవచ్చు. దీని తయారికి కావలసిన పదార్ధాలు,తయారి విధానం చుసేయండి.
పన్నీర్ ముక్కలు - 1 కప్పు
కార్న్ ఫ్లోర్ - 1 కప్పు
మైదా - 4 స్పూన్స్
కారం - 2 స్పూన్స్
ధనియాల పొడి - 2 స్పూన్స్
అమ్ చూర్ పొడి - 2 స్పూన్స్
కొత్తిమీర కట్ట
అల్లం,వెల్లుల్లి పేస్ట్ - 1 స్పూన్
ఉప్పు - సరిపడా
నూనె - వేయించడానికి సరిపడా
తయారుచేయువిధానం
ముందుగా పన్నీరు ముక్కలను వేడి నీటిలో వేసి 5 నిమిషాలు ఉంచి తీసి పక్కన పెట్టాలి .ఒక బౌల్ తీసుకుని కార్న్ ఫ్లోర్ ,మైదా,ధనియాలపొడి ,అల్లం,వెల్లుల్లి పేస్ట్ ,గరం మసాల,ఉప్పు వేసి నీళ్ళు పోసి బజ్జి పిండిలా కలపాలి .
స్టవ్ మీద బాండి పెట్టి నూనె పోసి వేడి అయ్యాక పైన తయారుచేసుకున్న పిండిలో పన్నీర్ ముక్కలు ముంచి నూనెలో వేసి గోల్డ్ కలర్ వచ్చే వరకు వేగించాలి. వీటి అన్నింటిని ఒక బౌల్ లోకి తీసుకోని అమ్ చూర్ ,సన్నగా తరిగిన కొత్తిమీర చల్లితే పన్నీర్ 65 రెడీ అవుతుంది. దీనికి టమాటో సాస్ మంచి కాంబినేషన్.
