Idli Fingers Recipe: ఉదయం టిఫిన్ కోసం చేసిన ఇడ్లీలు మిగిలిపోయాయా? వాటిని మళ్లీ వేడి చేసి ఇస్తే ఇంట్లో ఎవరూ తినరు, అలాగని పడేయలేం. సాధారణంగా మిగిలిన ఇడ్లీలతో ఉప్మా లాంటివి చేస్తాం, కానీ పిల్లలు దాన్ని పెద్దగా ఇష్టపడరు. అలాంటి వారి కోసం ఈ 'ఇడ్లీ ఫింగర్స్' అద్భుతంగా పనిచేస్తాయి!
ఈ చిన్న ట్రిక్తో మిగిలిపోయిన బోర్ కొట్టే ఇడ్లీలను.. సాయంత్రం టీ టైమ్లోకి కరకరలాడే స్నాక్లా మార్చేయొచ్చు. పైన క్రిస్పీగా, లోపల సాఫ్ట్గా ఉండే ఈ ఫింగర్స్ని టొమాటో కెచప్తో ఇస్తే పిల్లలు ఒక్క ముక్క కూడా వదలకుండా లాగించేస్తారు. మరి ఈ సింపుల్ అండ్ టేస్టీ స్నాక్ ఎలా చేయాలో ఇప్పుడు చూద్దాం రండి!"
కావాల్సిన పదార్ధాలు
ఇడ్లీలు– రెండు
కారం – 1 స్పూన్
పెప్పర్ పౌడర్ – ¼ స్పూన్
చాట్ మసాలా – ¼ టీ స్పూన్
ఉప్పు – ½ స్పూన్
నూనె – తగినంత
తయారీ విధానం
1.ముందుగా మసాలా కోసం మిక్సింగ్ బౌల్ లోకి కారం ,మిరియాల పొడి,చాట్ మసాలా ఉప్పు వేసి కలుపుకోవాలి.
2.మిగిలిన ఇడ్లీలలను ఫింగర్స్ లా కట్ చేసుకోవాలి.
3.ఇప్పుడు డీప్ ఫ్రై కోసం ఆయిల్ వేడి చేసుకోని అందులోకి కట్ చేసుకున్న ఇడ్లీ ఫింగర్స్ ని వేసి ఎర్రగా వేపుకోవాలి.
4.వేపుకున్న ఇడ్లీలను ఒక ప్లేట్ లోకి తీసుకోని వాటి పై ముందుగా తయారు చేసుకున్న మసాల మిశ్రమం చల్లు కోవాలి.
5.అంతే వేడి వేడి ఇడ్లీ ఫింగర్ స్నాక్స్ రెడీ.
