Babycorn Fingers:సాయంత్రం అవ్వగానే పిల్లలకి, పెద్దవాళ్ళకి ఏదైనా వేడివేడిగా, కరకరలాడే స్నాక్ తినాలనిపిస్తుంది కదా! బయట బండి మీద దొరికే జంక్ ఫుడ్ కాకుండా, ఇంట్లోనే చాలా త్వరగా, ఆరోగ్యకరంగా ఏదైనా చేయాలి అనుకుంటే 'బేబీ కార్న్ ఫింగర్స్' బెస్ట్ ఆప్షన్.
పైన క్రిస్పీగా, లోపల సాఫ్ట్గా ఉండే ఈ స్నాక్ని టొమాటో కెచప్తో అద్దుకుని తింటే ఆ టేస్టే వేరు. ఈ ఆర్టికల్లో ఎలాంటి కష్టం లేకుండా, ఇంట్లో ఉండే సాధారణ వస్తువులతోనే అచ్చం రెస్టారెంట్ స్టైల్లో బేబీ కార్న్ ఫింగర్స్ ఎలా తయారు చేసుకోవాలో చూద్దాం. ఈ సాయంత్రం మీ ఫ్యామిలీకి ఇది చేసి పెట్టండి, టేస్ట్కి కచ్చితంగా ఫిదా అయిపోతారు!
బేబీ కార్న్తో టేస్టీ ఫింగర్స్.. సీజన్ లో దొరికే మొక్క జొన్నలతో పిల్లలకి ఎన్నో స్నాక్ ఐటెమ్స్ చేసి పెడుతుంటాం. అలాగే బేబి కార్న్ తో పకోడి చేసి చూడండి.
కావాల్సిన పదార్ధాలు
శనగ పిండి – 1 కప్పు
బియ్యం పిండి – 3 టేబుల్ స్పూన్స్
జీలకర్ర పొడి – ½ టీ స్పూన్
కారం -1 స్పూన్
ఉప్పు – ¾ స్పూన్
అల్లం వెల్లుల్లి పేస్ట్ – ½ స్పూన్
అజోవాన్ – కొద్దిగా
సోడా – కొద్దిగా
బేబి కార్న్ – 200 గ్రాములు
1.ముందుగా మిక్సింగ్ బౌల్ లోకి శనగ పిండిని ,బియ్యం పిండి,కారం,ఉప్పు,జీలకర్ర పొడి,అల్లం వెల్లుల్లి పేస్ట్,బరకగా గ్రైండ్ చేసుకున్న వాము ,చిటికెడు సోడా వేసి పిండిని మిక్స్ చేసుకోవాలి.
2.కొద్ది కొద్దిగా నీళ్లను కలుపుతూ పిండిని మెత్తగా కొద్దిగా జారుగా కలుపుకోవాలి.
3.ఇప్పుడు బేబి కార్న్ తీసుకోని పొడవాటి ముక్కలుగా కట్ చేసుకోవాలి.
4.కార్న్ ముక్కలకు కలుపుకున్న పిండితో కోట్ చేసుకోవాలి.
5.డీప్ ఫ్రై కోసం బాండిలో ఆయిల్ వేడి చేసి అందులోకి పిండిలో ముంచిన బేబి కార్న్ ముక్కలను వేసుకోవాలి.
6.పకోడిని తిప్పుతూ రెండు వైపులా ఎర్రగా వేపుకుంటే కర కరలాడే బేబి కార్న్ పకోడి రెడీ.
