అరటిపండు ఆరోగ్యానికి ఎంతో మేలు చేస్తుందని అందరికీ తెలుసు. అయితే, పచ్చి అరటికాయలు కూడా అనేక ప్రయోజనాలను కలిగి ఉన్నాయని మీకు తెలుసా? చాలా మందికి పచ్చి అరటికాయల గుణాల గురించి తెలియదు. కానీ, పోషకాహార నిపుణులు పచ్చి అరటికాయలు కూడా ఎన్నో ఆరోగ్య ప్రయోజనాలను అందిస్తాయని చెబుతున్నారు. ఆ వివరాలను ఇక్కడ తెలుసుకుందాం.
పచ్చి అరటికాయల్లో విటమిన్ సి, యాంటీఆక్సిడెంట్లు సమృద్ధిగా ఉంటాయి. ఇవి రోగనిరోధక శక్తిని పెంచి, వివిధ ఇన్ఫెక్షన్ల నుంచి రక్షిస్తాయని నిపుణులు చెబుతున్నారు. అరటికాయల్లో ఫైబర్ ఎక్కువగా ఉండటం వల్ల జీర్ణశక్తి మెరుగుపడుతుంది మరియు గ్యాస్, ఎసిడిటీ వంటి సమస్యలు రాకుండా నివారిస్తుంది.
పచ్చి అరటికాయలు తక్కువ గ్లైసెమిక్ ఇండెక్స్ కలిగి ఉంటాయి, ఇది రక్తంలో చక్కెర స్థాయిలను నియంత్రిస్తుంది. దీని వల్ల డయాబెటిస్ నివారణలో సహాయపడుతుంది. ఇందులో పొటాషియం అధికంగా ఉండటం వల్ల గుండెకు రక్త ప్రసరణ మెరుగవుతుంది మరియు హృదయ సంబంధిత సమస్యలు రాకుండా కాపాడుతుంది.
అరటికాయల్లో మెగ్నీషియం, యాంటీఆక్సిడెంట్లు ఉండటం వల్ల మెదడు పనితీరు చురుగ్గా ఉంటుంది మరియు జ్ఞాపకశక్తి మెరుగుపడుతుంది. ఫైబర్ సమృద్ధిగా ఉండటం వల్ల పేగు కదలికలు మెరుగై, మలబద్ధకం సమస్య తొలగిపోతుంది.
పచ్చి అరటికాయల్లో విటమిన్ సి, విటమిన్ బి6 ఉంటాయి, ఇవి చర్మాన్ని ఆరోగ్యంగా ఉంచి, మొటిమలు, మచ్చల నుంచి రక్షిస్తాయి. యాంటీఆక్సిడెంట్లు జుట్టు కుదుళ్లకు పోషణనిచ్చి, జుట్టు రాలడాన్ని తగ్గించి, వెంట్రుకలను ఆరోగ్యంగా ఉంచుతాయి.
ఈ అరటికాయల్లోని ఫైబర్ కొలెస్ట్రాల్‌ను నియంత్రిస్తుంది, గుండె మరియు చర్మ ఆరోగ్యాన్ని కాపాడుతుందని నిపుణులు చెబుతున్నారు. అంతేకాకుండా, ఫైబర్ జీర్ణాశయంలో అల్సర్‌లను నివారిస్తుంది మరియు క్యాన్సర్ కణాల పెరుగుదలను అడ్డుకుంటుంది.
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు 'telugulifestyle' బాధ్యత వహించదని గమనించగలరు.
