Dondakaya Fry:మనం రోజూ వివిధ రకాల కూరగాయలను ఆహారంగా తీసుకుంటాం. వాటిలో ఒకటి దొండకాయ. అయితే, చాలా మంది దొండకాయను తినడానికి ఆసక్తి చూపరు. కానీ, ఈ కూరగాయ మన ఆరోగ్యానికి ఎంతో మేలు చేస్తుంది. దొండకాయను తరచూ ఆహారంలో భాగంగా చేసుకోవడం వల్ల రోగనిరోధక శక్తి పెరుగుతుంది, జీర్ణ వ్యవస్థ మెరుగవుతుంది, కండరాలు బలోపేతం అవుతాయి,
దొండకాయ ఫ్రై తయారీకి కావలసిన పదార్థాలు:
దొండకాయలు – అర కిలో
పల్లీలు – 3 టేబుల్ స్పూన్లు
నూనె – 3 టేబుల్ స్పూన్లు
వెల్లుల్లి రెబ్బలు – 15
జీలకర్ర – 1 టేబుల్ స్పూన్
ఉప్పు – రుచికి సరిపడా
కారం – 1.5 టేబుల్ స్పూన్లు
కరివేపాకు – 2 రెబ్బలు
ఎండు కొబ్బరి పొడి – 2 టేబుల్ స్పూన్లు
పసుపు – 1/4 టీ స్పూన్
ముందుగా దొండకాయలను శుభ్రంగా కడిగి, సన్నగా మరియు పొడవుగా కట్ చేసుకోవాలి. ఒక కళాయిలో 1 టేబుల్ స్పూన్ నూనె వేసి, నూనె వేడి అయ్యాక పల్లీలు, జీలకర్ర, కరివేపాకు వేసి వేయించాలి.
చివరగా వెల్లుల్లి రెబ్బలను వేసి, స్టవ్ ఆఫ్ చేయాలి.ఈ మిశ్రమం పూర్తిగా చల్లారిన తర్వాత ఒక జార్‌లోకి తీసుకోవాలి. దీనిలో కారం, ఎండు కొబ్బరి పొడి, రుచికి సరిపడా ఉప్పు వేసి, మెత్తగా కాకుండా మిక్సీలో గ్రైండ్ చేయాలి.
ఇప్పుడు కళాయిలో మిగిలిన నూనె వేసి, నూనె వేడి అయ్యాక తరిగిన దొండకాయ ముక్కలను వేసి వేయించాలి.దొండకాయలు బాగా వేగిన తర్వాత, పసుపు మరియు ముందుగా గ్రైండ్ చేసిన పల్లీల మిశ్రమాన్ని వేసి, బాగా కలిపి మరో 2 నిమిషాలు వేయించి స్టవ్ ఆఫ్ చేయాలి.
ఇలా చేయడం వల్ల రుచికరమైన దొండకాయ ఫ్రై సిద్ధమవుతుంది. దీనిని అన్నం, చపాతీ లేదా పుల్కాతో తింటే చాలా రుచిగా ఉంటుంది. అంతేకాకుండా, ఈ వంటకం మనకు ఆరోగ్య ప్రయోజనాలను కూడా అందిస్తుంది.
