Aloo Fry:రెస్టారెంట్ కంటే రుచికరంగా ఇంట్లోనే ఆలూ ఫ్రై – ఒక్కసారి ఈ స్పైసీ పల్లీ మసాలా పొడి కలిపి చూస్తే… ప్లేట్ ఖాళీ అవ్వకుండా ఉండదు..మన ఇంటి బంగాళాదుంప వేపుడు ఎప్పుడూ ఒకే స్టైల్… కానీ ఈసారి రెస్టారెంట్ స్టైల్ని మించిపోయే, నోరూరూరించే క్రిస్పీ & స్పైసీ ఆలూ ఫ్రై చేద్దాం! సీక్రెట్ ఏమిటంటే… ఒక స్పెషల్ పల్లీ-వెల్లుల్లి మసాలా పొడి! ఈ ఒక్క పొడి కలిపారంటే చాలు… మామూలు బంగాళాదుంప ఫ్రై వేరే లెవెల్కి ఎక్కేస్తుంది.
కావలసిన పదార్థాలు (2-3 మందికి)
స్పెషల్ మసాలా పొడి కోసం:
నూనె - 1 టీస్పూన్
వేరుశెనగ గింజలు (పచ్చి పల్లీలు) - 1 టేబుల్ స్పూన్
వెల్లుల్లి రెబ్బలు - 5-6
ఎండు మిర్చి - 2-3 (మీ స్పైస్ లెవెల్ ప్రకారం)
జీలకర్ర - ½ టీస్పూన్
కొత్తిమీర లేదా ధనియాలు - రెండు మూడు కొత్తిగా
ఉప్పు - స్వల్పంగా
ALSO READ:చెట్టినాడు స్టైల్ పన్నీర్ కర్రీ – ఘాటైన మసాలా .. రుచి వాసన తోనే నోరూరిస్తుందిఫ్రై కోసం:
బంగాళాదుంపలు - 2 పెద్దవి (సుమారు 400-450 గ్రా)
నూనె - 1½ - 2 టేబుల్ స్పూన్
ఆవాలు - ½ టీస్పూన్
మినపప్పు - 1 టీస్పూన్
కరివేపాకు - 1-2 రెమ్మలు
పసుపు - చిటికెడు
ఉప్పు - రుచికి తగినంత
తయారు చేసే విధానం (సులభ స్టెప్స్లో)
బంగాళాదుంపలను శుభ్రంగా కడిగి తొక్క తీసి, ఫ్రెంచ్ ఫ్రైస్ లాగా పొడవాటి ముక్కలుగా (మీడియం మందం) కట్ చేయండి). ఎక్కువ సన్నగా కట్ చేస్తే మాడిపోతాయి, ఎక్కువ మందంగా ఉంటే లోపల ఉడకదు.
చిన్న బాణలిలో 1 టీస్పూన్ నూనె వేడి చేసి, జీలకర్ర → వెల్లుల్లి → ఎండుమిర్చి → పల్లీలు వేసి బంగారు రంగు వచ్చేవరకు దోరగా వేయించండి. చివర్లో కొత్తిమీర వేసి స్టవ్ ఆఫ్ చేయండి. చల్లారాక మిక్సీలో కొద్దిగా ఉప్పు వేసి బరకగా పొడి చేసి పక్కన పెట్టుకోండి. (ఈ పొడి వాసనే చాలు నోరూరించడానికి!)
ALSO READ:చపాతీ, రోటీ, నాన్, రూమాలీ రోటీలకు పర్ఫెక్ట్ కాంబినేషన్.. క్రీమీ, ఘాటైన, రిచ్ గ్రేవీతో రుచి రెట్టింపు!అదే బాణలిలో 1½-2 టే.స్పూన్ నూనె వేడి చేసి, ఆవాలు, మినపప్పు, కరివేపాకు వేసి పగుల్లు వచ్చాక, పసుపు + బంగాళాదుంప ముక్కలు వేసి బాగా కలపండి. రుచికి తగినంత ఉప్పు చల్లి మూతపెట్టి మీడియం మంట మీద 4-5 నిమిషాలు ఆవిరిలో ఉడికించండి (80-85% ఉడికితే సరిపోతుంది).
మూత తీసి ముందుగా తయారు చేసుకున్న పల్లీ మసాలా పొడి అంతా చల్లి, నెమ్మదిగా కలుపుతూ మరో 2-3 నిమిషాలు ఓపెన్లోనే సన్న మంట మీద క్రిస్పీగా వేయించండి. అంతే… మీ ఇంట్లోనే రెస్టారెంట్ కంటే సూపర్ టేస్టీ, గుమగుమలాడే స్పైసీ పీనట్ ఆలూ ఫ్రై రెడీ!
సాంబార్-అన్నం, రసం-అన్నం, పెరుగన్నం… ఏదైనా సరిపోతుంది. ముఖ్యంగా పెరుగన్నంతో అయితే దీనికి సాటి రాదు! ఒక్కసారి ట్రై చేసి చూడండి… మీ ప్లేట్ ఖాళీ అయ్యే వరకు ఆగరు!
