Lemon Idli:రోజూ అదే ఇడ్లీ-దోశలతో బోర్ కొట్టేసిందా.. సాఫ్ట్ లెమన్ ఇడ్లీ ట్రై చేయండి..ఉదయాన్నే నోరూరించే, కొత్త రుచితో మూడ్ ఫ్రెష్ చేసే ఏదైనా కావాలా? అయితే ఈ సూపర్ సాఫ్ట్ లెమన్ ఇడ్లీ ఒక్కసారి ట్రై చేయండి… మళ్లీ మళ్లీ అడిగి తినిపిస్తారు!
ప్రతి ముక్కలోనూ పుల్లని నిమ్మకాయ + కారం + కమ్మని అల్లం + సుగంధమైన కొత్తిమీర… రుచి మొగ్గలు మేల్కొని డాన్స్ చేస్తాయి గ్యారంటీ.. అదనంగా → 15-20 నిమిషాల్లోనే రెడీ, తేలికైనది, జీర్ణమయ్యేది, పిల్లలకి-పెద్దలకి సూపర్ హిట్!
ALSO READ:చలికాలం స్పెషల్: ముల్లంగి ఊరగాయ - రుచిలో అద్భుతం, ఆరోగ్యానికి అమోఘం!కావలసిన పదార్థాలు (4-5 మందికి)
ఇడ్లీ రవ్వ − 1 కప్పు
మజ్జిగ/పెరుగు − ½ కప్పు
నీళ్లు − ½ కప్పు (లేదా అవసరానికి తగినంత)
నిమ్మరసం − 2–3 టేబుల్ స్పూన్లు (పుల్లగా ఇష్టమైతే ఎక్కువ వేయొచ్చు)
పచ్చిమిర్చి − 2 (సన్నగా తరిగినవి)
అల్లం − 1 అంగుళం (తురుము లేదా చాలా సన్నగా తరిగినది)
కొత్తిమీర − 3 టేబుల్ స్పూన్లు (సన్నగా తరిగినది)
వంట సోడా/ఈనో − ½ టీస్పూన్
ఉప్పు − రుచికి తగినంత
నూనె − ఇడ్లీ గిన్నెలకు రాయడానికి
సూపర్ ఈజీ తయారీ విధానం
ఒక పెద్ద గిన్నెలో ఇడ్లీ రవ్వ తీసుకొని, తగినన్ని నీళ్లు పోసి 10-15 నిమిషాలు నానబెట్టండి. (రవ్వ బాగా మెత్తబడితేనే ఇడ్లీలు దూది లాగా వస్తాయి)..ఈ లోపు మరో గిన్నెలో → పెరుగు + నిమ్మరసం + తరిగిన పచ్చిమిర్చి + అల్లం తురుము + కొత్తిమీర + ఉప్పు వేసి బాగా కలపండి. ఈ మిశ్రమమే మ్యాజిక్ ఫ్లేవర్ ఇస్తుంది!
నానిన రవ్వలోని ఎక్స్‌ట్రా నీళ్లు పిండేసి, పెరుగు మిశ్రమంలో కలపండి. గడ్డలు లేకుండా చక్కగా కలియాలి. పిండి కొంచెం గట్టిగానే ఉండాలి (చాలా జారుడు కాకూడదు). అవసరమైతే 1-2 టేబుల్ స్పూన్ల నీళ్లు జోడించండి.
ALSO READ:షుగర్ కంట్రోల్, బరువు తగ్గాలంటే ఈ గింజల్ని ఇలా తీసుకుంటే సరి..ఇడ్లీ పెట్టే 2 నిమిషాల ముందు → పిండిలో ½ టీస్పూన్ వంట సోడా వేసి, దానిపైన ఒక టీస్పూన్ నీళ్లు చల్లి నెమ్మదిగా కలపండి (బబుల్స్ వచ్చినట్టు అనిపిస్తుంది).
వెంటనే ఇడ్లీ గిన్నెలకు కొద్దిగా నూనె రాసి, పిండి పోసి మీడియం ఫ్లేమ్‌పై 10-12 నిమిషాలు ఆవ్వండి.
ఉడికాక 2 నిమిషాలు ఆగి మూత తీస్తే… ఇడ్లీలు సులభంగా వచ్చేస్తాయి, విరగవు కూడా.. అంతే! వేడి వేడి, మెత్తని, పుల్లని లెమన్ ఇడ్లీలు రెడీ..కొబ్బరి చట్నీ లేదా పచ్చడితో సర్వ్ చేస్తే… ఫిదా అయిపోతారు.
