Pudina Egg Masala:ఇంట్లో ఎవరైనా వచ్చినప్పుడు కొత్తగా ఏదైనా రుచికరమైన కూర వడ్డించాలని ఉందా..అయితే ఈసారి కేవలం 4 గుడ్లు, ఒక గుప్పెడు పుదీనాతో... నోరూరించే “పుదీనా ఎగ్ మసాలా” ట్రై చేయండి!
చపాతీ, రొటి, దోసె, పూరీ, పులావ్... ఏదైనా సరే ఈ ఘాటైన పచ్చడి గ్రేవీకి పర్ఫెక్ట్ మ్యాచ్. సాధారణ ఎగ్ కర్రీలా ఉల్లి-టమాటా గ్రేవీ కాదు... తాజా పుదీనా, కొత్తిమీర, పచ్చిమిర్చి, సోంపు మిక్స్‌తో వచ్చే ఈ ఫ్రెష్ ఫ్లేవర్ మీ రుచి మొగ్గల్ని మైమరిపిస్తుంది!
కావలసిన పదార్థాలు (4 మందికి)
కోడిగుడ్లు : 4
పుదీనా (తాజా ఆకులు) : 1 పెద్ద కప్పు (గట్టిగా నింపుకుంటే)
కొత్తిమీర : ¼ కప్పు
పచ్చిమిర్చి : 4–5 (మీ ఘాటు ప్రకారం)
అల్లం : 1 అంగుళం ముక్క
వెల్లుల్లి రెబ్బలు : 5–6
సోంపు : 2 టీస్పూన్లు
పసుపు : ½ టీస్పూన్
పెద్ద ఉల్లిపాయ : 1 (సన్నగా తరిగిన)
కరివేపాకు : 1 రెమ్మ
నూనె : 3 టేబుల్ స్పూన్లు
ఉప్పు : రుచికి తగినంత
తయారీ విధానం (సులభ స్టెప్స్)
గుడ్లను ఉడికించి, పై తొక్క తీసి, కత్తితో చిన్న చిన్న గాట్లు పెట్టి పక్కన పెట్టుకోండి (మసాలా గుడ్లలోపలి వరకు పడుతుంది).మిక్సీ జార్‌లో పుదీనా, కొత్తిమీర, పచ్చిమిర్చి, అల్లం, వెల్లుల్లి, 1 టీస్పూన్ సోంపు వేసి కొద్దిగా నీళ్లు పోసి మెత్తని పచ్చడి లాగా రుబ్బుకోండి. (ఈ పేస్ట్‌నే మనం మెయిన్ ఫ్లేవర్ ఇస్తుంది)
బాణలిలో నూనె వేడెక్కాకా మిగిలిన 1 టీస్పూన్ సోంపు, కరివేపాకు వేసి చిటపటలాడించండి. తర్వాత సన్నగా తరిగిన ఉల్లిపాయ వేసి బంగారు రంగు వచ్చే వరకు వేయించండి.
ఉల్లిపాయలు బాగా వేగాకా పసుపు వేసి ఒక్కసారి కలిపి... వెంటనే రుబ్బిన పుదీనా పేస్ట్ మొత్తం వేసేయండి. మీడియం మంట మీద 5–6 నిమిషాలు పచ్చివాసన పోయే వరకు, నూనె పైకి తేలే వరకు బాగా వేయించండి. ఈ స్టెప్ చాలా ముఖ్యం!
మసాలా బాగా వేగిన తర్వాత ఉడికించిన గుడ్లు వేసి, ఉప్పు వేసి మెల్లగా కలపండి. గ్రేవీ గుడ్లకు బాగా పట్టేలా 2 నిమిషాలు మూత పెట్టి సిమ్‌లో మగ్గనివ్వండి.
అంతే... ఘుమఘుమలాడే పుదీనా ఎగ్ మసాలా రెడీ!వేడి వేడి అన్నం, చపాతీ, పూరీ, దోసె... ఏదైనా తోడు చేస్తే రుచి మాటల్లో చెప్పలేం.
ఈ వారాంతంలో లేదా ఎవరైనా అతిథులు వచ్చినప్పుడు ఈ కొత్త రెసిపీ ట్రై చేసి... వాళ్ల నోట్లో నుంచి “వామ్మో... ఇదేం రుచి!” అనిపించండి..చేసి చూసి ఎలా ఉందో కామెంట్‌లో చెప్పండి!
