Sprouts:ఆరోగ్యంగా ఉండాలని కోరుకునే ప్రతి ఒక్కరి ఉదయం దినచర్యలో 'మొలకలు' (Sprouts) కచ్చితంగా ఉంటాయి. అయితే చాలామందికి మొలకెత్తిన శనగలు (Sprouted Chickpeas), మొలకెత్తిన పెసలు (Sprouted Mung Beans) - ఈ రెండింటిలో ఏవి ఎక్కువ ఆరోగ్యకరం? పోషకాలు దేంట్లో ఎక్కువ ఉంటాయి? అనే సందేహం వస్తుంటుంది.
వాస్తవానికి ఈ రెండూ ఆరోగ్యానికి చేసే మేలు అంతా ఇంతా కాదు. పెసలు త్వరగా జీర్ణమై, బరువు తగ్గించడంలో అద్భుతంగా సహాయపడితే.. శనగలు శరీరానికి ఉక్కులాంటి బలాన్ని, పుష్కలమైన ప్రోటీన్‌ను అందిస్తాయి.
మీ ఆరోగ్య పరిస్థితి, ఫిట్‌నెస్ లక్ష్యాల ఆధారంగా ఈ రెండింటిలో దేన్ని ఎంచుకోవాలి? అసలు వీటిలో దాగున్న అద్భుతమైన పోషక విలువల గురించి ఈ ఆర్టికల్ లో వివరంగా తెలుసుకుందాం.
మొలకెత్తిన శనగలు vs మొలకెత్తిన పెసలు – ఏవి ఎక్కువ పోషకాలు కలిగి ఉంటాయి..100 గ్రాముల మొలకెత్తిన నల్ల శనగల్లో 20.5 గ్రాముల ప్రోటీన్, 12.2 గ్రాముల ఫైబర్, 57 మి.గ్రా. కాల్షియం ఉంటాయి.
అలాగే 4.31 మి.గ్రా. ఇనుము, 718 మి.గ్రా. పొటాషియం లభిస్తాయి. రోజూ మొలకెత్తిన శనగలు తింటే రక్తంలో చక్కెర స్థాయి నియంత్రణలో ఉంటుంది. జీర్ణవ్యవస్థ, గుండె ఆరోగ్యం మెరుగుపడతాయి.
మొలకెత్తిన పెసలు కూడా పోషకాలతో నిండి ఉంటాయి. 100 గ్రాముల్లో 23.9 గ్రాముల ప్రోటీన్, 16.3 గ్రాముల ఫైబర్ ఉంటాయి. అంతేకాకుండా 132 మి.గ్రా. కాల్షియం, 6.74 మి.గ్రా. ఇనుము, 1250 మి.గ్రా. పొటాషియం, 4.8 మి.గ్రా. విటమిన్ సి లభిస్తాయి. ఉదయాన్నే మొలకెత్తిన పెసలు తింటే బరువు సులభంగా తగ్గుతుంది. కంటి చూపు మెరుగుపడుతుంది, రోగనిరోధక శక్తి పెరుగుతుంది. జీర్ణక్రియ సాఫీగా సాగుతుంది, రక్తపోటు నియంత్రణలో ఉంటుంది.
పోషక విలువల పరంగా చూస్తే మొలకెత్తిన పెసలు శనగల కంటే కొంచెం మెరుగైనవి అని నిపుణులు చెబుతున్నారు.అయితే, పూర్తి పోషకాహారం కోసం రెండింటినీ కలిపి తినడమే ఉత్తమం!
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు 'telugulifestyle' బాధ్యత వహించదని గమనించగలరు.
"Sprouts benefits in telugu, sprouted mung beans vs chickpeas, molakalu benefits telugu, chana sprouts vs moong sprouts in telugu, weight loss foods, high protein breakfast telugu, healthy morning routine, మొలకలు ఉపయోగాలు, మొలకెత్తిన పెసలు, మొలకెత్తిన శనగలు, తెలుగు హెల్త్ టిప్స్."
