Ants:మీ ఇంట్లో చీమల బెడద ఎక్కువగా ఉందా.. ఈ 4 చిట్కాలతో ఇంటి నుంచి పరార్.. ఇంట్లో చీమలు రావడం సహజమే. కానీ వాటి సంఖ్య అధికమైతే ఇబ్బందులు తప్పవు. ముఖ్యంగా వంటింట్లో చీమల ఆట ఎక్కువగా ఉంటుంది.
ఆహార పదార్థాలను పాడు చేయడమే కాకుండా, కుట్టినప్పుడు దద్దుర్లు, దురదలు కూడా కలిగిస్తాయి. చాలా మంది మార్కెట్ రసాయన స్ప్రేలు ఉపయోగిస్తారు. కానీ అవి ఆరోగ్యానికి హానికరం కావచ్చు. అందుకే ఇంట్లోని సాధారణ పదార్థాలతో చీమలను సులువుగా తరిమేయవచ్చు. ఈ 4 సహజ చిట్కాలు ప్రయత్నించండి.
1. నిమ్మరసం + వెనిగర్ స్ప్రే సమ పరిమాణంలో నీరు, వెనిగర్ తీసుకుని స్ప్రే బాటిల్లో కలపండి. కొద్దిగా నిమ్మరసం జోడించి బాగా షేక్ చేయండి. చీమలు ఎక్కువగా కనిపించే చోట స్ప్రే చేయండి. ఈ ఆమ్ల వాసన చీమలకు అసహ్యం.. త్వరలోనే పారిపోతాయి. రోజూ ఉపయోగిస్తే మళ్లీ రావు!
2. పుదీనా (Mint) మాయ చీమలకు బలమైన సుగంధాలు అస్సలు నచ్చవు. పుదీనా ఆకులను చీమల గూడు దగ్గర పెట్టండి లేదా 10-15 చుక్కల పుదీనా నూనెను నీటిలో కలిపి స్ప్రే చేయండి. ఇది చీమలను తరిమేస్తూనే ఇంటికి తాజా సువాసన ఇస్తుంది.
3. బిర్యానీ ఆకు డికాక్షన్ 4-5 బిర్యానీ ఆకులు, ఒక చిటికెడు ఉప్పును నీటిలో 5-7 నిమిషాలు మరిగించండి. చల్లార్చి స్ప్రే బాటిల్లో నింపి, చీమల ట్రాక్ మీద పిచికారీ చేయండి. ఆకుల్లోని యాంటీ-బాక్టీరియల్ గుణాలు కీటకాలను దూరంగా ఉంచుతాయి.
4. నల్ల మిరియాల పొడి బారికేడ్ కిటికీలు, తలుపులు, సింక్ చుట్టూ నల్ల మిరియాల పొడి చల్లండి. దీని ఘాటైన వాసన చీమలను ఇంట్లోకి రానివ్వదు. నిపుణుల అభిప్రాయం ప్రకారం ఇది చాలా ప్రభావవంతం.
ఈ చిట్కాలు సురక్షితం, సులభం, ఖర్చు లేనివి. రసాయనాలు లేకుండానే చీమల బెడద నుంచి శాశ్వత విముక్తి పొందండి!
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు 'telugulifestyle' బాధ్యత వహించదని గమనించగలరు.
