Badam Burfi:పండుగ వచ్చినా, శుభకార్యం జరిగినా 'కాజు కత్లీ', 'బాదం బర్ఫీ' ఉండాల్సిందే. కానీ స్వీట్ షాపుల్లో వీటి ధరలు ఆకాశాన్ని తాకుతున్నాయి (సుమారు కేజీ రూ. 800 - 1200 వరకు). పైగా నాణ్యత ఎలా ఉంటుందో తెలియదు. అందుకే.. అచ్చం స్వీట్ షాప్ రుచి వచ్చేలా, కేవలం 3 ప్రధాన పదార్థాలతో ఇంట్లోనే 'బాదం బర్ఫీ' (Badam Burfi) ఎలా చేయాలో చూసేయండి.
కావలసిన పదార్థాలు:
బాదం పప్పు - 1 కప్పు
పంచదార - 3/4 కప్పు (తీపిని బట్టి)
నెయ్యి - 2 టేబుల్ స్పూన్లు
యాలకుల పొడి - చిటికెడు
పాలు - మిక్సీ పట్టడానికి సరిపడా (కొద్దిగా)
కుంకుమపువ్వు - (ఆప్షనల్ - మంచి రంగు కోసం)
తయారీ విధానం (Step-by-Step):
బాదం నానబెట్టడం బాదం పప్పును వేడి నీళ్లలో ఒక 30 నిమిషాలు నానబెట్టాలి. ఇలా చేయడం వల్ల పైన తొక్క ఈజీగా వచ్చేస్తుంది. తొక్క తీసిన బాదం పప్పును సిద్ధం చేసుకోండి.
మిక్సీ పట్టడం తొక్క తీసిన బాదంలో కొద్దిగా పాలు పోసి మిక్సీలో మెత్తటి పేస్ట్లా (Smooth Paste) రుబ్బుకోవాలి. బరకగా ఉండకూడదు.
ఉడికించడం స్టవ్ మీద మందపాటి పాన్ (Non-stick pan) పెట్టి.. బాదం పేస్ట్, పంచదార వేసి సన్నని మంటపై కలుపుతూ ఉండాలి. పంచదార కరిగి మిశ్రమం దగ్గర పడుతుంది.
నెయ్యి మ్యాజిక్ మిశ్రమం కాస్త గట్టిపడుతున్నప్పుడు ఒక స్పూన్ నెయ్యి, యాలకుల పొడి వేసి కలపాలి. మిశ్రమం పాన్కు అంటుకోకుండా ముద్దలా (Dough) అయ్యే వరకు ఉడికించాలి. (మరీ గట్టిగా అయ్యేదాకా ఉంచకండి, చల్లారాక గట్టిపడుతుంది).
బర్ఫీ సెట్టింగ్ ఒక ప్లేట్కు లేదా బటర్ పేపర్కు నెయ్యి రాసి, ఈ మిశ్రమాన్ని అందులో వేయాలి. చపాతీ కర్రతో సమానంగా వత్తుకోవాలి. పూర్తిగా చల్లారకముందే మీకు నచ్చిన షేప్లో (డైమండ్ లేదా స్క్వేర్) కట్ చేసుకోవాలి. అంతే! ఎంతో రుచికరమైన బాదం బర్ఫీ రెడీ.
స్వీట్ షాప్ సీక్రెట్ టిప్: బర్ఫీ షైనింగ్గా కనిపించాలంటే.. కట్ చేసే ముందు పైన 'సిల్వర్ వర్క్' (Silver Vark) అంటించవచ్చు. అలాగే మిశ్రమం మరీ మెత్తగా అనిపిస్తే, మరో రెండు నిమిషాలు ఉడికించండి.
