సాయంత్రం కాగానే వేడి వేడిగా ఏదైనా తినాలనిపిస్తుందా? ఎప్పుడూ తినే బజ్జీలు, పకోడీలు బోర్ కొట్టాయా? అయితే ఈసారి కాస్త కొత్తగా, ఆరోగ్యకరంగా 'క్యారెట్ 65' ట్రై చేయండి. కరకరలాడుతూ, కారంగా ఉండే ఈ స్నాక్ పిల్లలకే కాదు, పెద్దలకు కూడా భలే నచ్చుతుంది.
చికెన్ 65 తినని వెజిటేరియన్స్కి ఇది బెస్ట్ ఆల్టర్నేటివ్ అని చెప్పొచ్చు. పైగా దీన్ని చేయడం చాలా సులభం. మరి ఈ క్రిస్పీ క్యారెట్ 65 ఎలా చేయాలో చూసేద్దామా!
క్యారెట్లు - 3 (కొంచెం లావుగా ఉన్నవి)
శెనగపిండి - 2 టేబుల్ స్పూన్లు
కార్న్ ఫ్లోర్ (మొక్కజొన్న పిండి) - 2 టేబుల్ స్పూన్లు
బియ్యం పిండి - 1 టేబుల్ స్పూన్ (దీనివల్ల క్రిస్పీగా వస్తాయి)
అల్లం వెల్లుల్లి పేస్ట్ - 1 టీస్పూన్
కారం - 1 లేదా 1 1/2 టీస్పూన్ (మీ రుచికి తగినట్టు)
గరం మసాలా - 1/2 టీస్పూన్
చాట్ మసాలా - 1/2 టీస్పూన్
నిమ్మరసం - 1 టీస్పూన్
ఉప్పు - రుచికి సరిపడా
నూనె - డీప్ ఫ్రైకి సరిపడా
కరివేపాకు, పచ్చిమిర్చి - కొద్దిగా (గార్నిష్ కోసం)
ముందుగా క్యారెట్లను శుభ్రంగా కడిగి, పైన పొట్టు తీసేయాలి. ఆ తర్వాత ఫ్రెంచ్ ఫ్రైస్ లాగా (పొడవుగా, కొంచెం మందంగా) ముక్కలు కట్ చేసుకోవాలి.
ఒక వెడల్పాటి గిన్నెలో క్యారెట్ ముక్కలు తీసుకుని, అందులో శెనగపిండి, కార్న్ ఫ్లోర్, బియ్యం పిండి వేసి బాగా కలపాలి.
ఇప్పుడు ఆ మిశ్రమంలో అల్లం వెల్లుల్లి పేస్ట్, కారం, గరం మసాలా, ఉప్పు, నిమ్మరసం వేసి ముక్కలన్నింటికీ మసాలా బాగా పట్టేలా కలుపుకోవాలి. పిండి పొడిపొడిగా అనిపిస్తే.. చాలా కొద్దిగా (ఒకటి లేదా రెండు స్పూన్లు) నీళ్లు చల్లుకుని కలుపుకోవాలి. మరీ పల్చగా చేయకూడదు.
స్టవ్ వెలిగించి కడాయి పెట్టుకుని డీప్ ఫ్రైకి సరిపడా నూనె పోసి వేడి చేయాలి.
క్యారెట్ ముక్కలు అన్ని వైపులా గోల్డెన్ కలర్ వచ్చి, క్రిస్పీగా మారే వరకు వేయించి ఒక టిష్యూ పేపర్ ఉన్న ప్లేట్లోకి తీసుకోవాలి. (టిష్యూ అదనపు నూనెను పీల్చేసుకుంటుంది).
చివరగా అదే నూనెలో కరివేపాకు, నిలువుగా చీల్చిన పచ్చిమిర్చి వేయించి, క్యారెట్ 65 పైన చల్లుకోవాలి.
అంతే! ఎంతో రుచికరమైన, కరకరలాడే 'క్యారెట్ 65' రెడీ. దీనిపై కొద్దిగా చాట్ మసాలా చల్లుకుని, టొమాటో కెచప్తో తింటే దీని టేస్ట్ అద్భుతంగా ఉంటుంది.
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు 'telugulifestyle' బాధ్యత వహించదని గమనించగలరు.
