చాలామంది ఎంత కష్టపడినా చేతిలో డబ్బు నిలవట్లేదని, ఏదో ఒక రూపంలో ఆర్థిక ఇబ్బందులు వస్తున్నాయని బాధపడుతుంటారు. ఇంట్లో నెగటివ్ ఎనర్జీ పెరిగిపోవడం కూడా దీనికి ఒక కారణం కావచ్చు.
అయితే, హిందూ జ్యోతిష్య శాస్త్రం ప్రకారం.. ఐశ్వర్య ప్రదాత అయిన లక్ష్మీదేవికి అత్యంత ప్రీతికరమైన శుక్రవారం నాడు సాయంత్రం వేళ ఇంట్లో కొన్ని నిర్ణీత ప్రదేశాల్లో దీపాలు వెలిగిస్తే.. ఆ దారిద్య్రం అంతా పోయి, మహాలక్ష్మి మీ ఇంట్లో స్థిర నివాసం ఏర్పరుచుకుంటుందని పండితులు చెబుతున్నారు.
మరి సిరిసంపదలు, అష్టైశ్వర్యాలు మీ సొంతం కావాలంటే ఇంట్లోని ఆ 5 పవిత్ర స్థలాలు ఏంటో ఇక్కడ చూద్దాం.లక్ష్మీ కటాక్షం కోసం దీపం పెట్టాల్సిన 5 ప్రదేశాలు ఇవే..
1. ఇంటి ప్రధాన ద్వారం (సింహద్వారం): ఇంటి సింహద్వారం గుండానే లక్ష్మీదేవి లోపలికి అడుగుపెడుతుందని ప్రగాఢ విశ్వాసం. అందుకే శుక్రవారం సాయంత్రం ఇల్లు చీకటి పడకముందే.. ఇంటి ప్రధాన ద్వారానికి ఇరువైపులా లేదా కుడి వైపున తప్పనిసరిగా దీపం వెలిగించాలి. ఆవు నెయ్యి లేదా నువ్వుల నూనెతో దీపం పెడితే ఇంట్లోకి ఎలాంటి దుష్టశక్తులు ప్రవేశించవు.
3. తులసి కోట: హిందూ సంప్రదాయంలో తులసి మొక్కను సాక్షాత్తూ లక్ష్మీదేవి స్వరూపంగా కొలుస్తారు. శుక్రవారం సాయంత్రం తులసి కోట వద్ద దీపం వెలిగించడం వల్ల ఆ ఇంట్లో సుఖసంతోషాలు వెల్లివిరుస్తాయి.
4. ఈశాన్య మూల: వాస్తు ప్రకారం ఇంటి ఈశాన్య మూలను దేవతల స్థానంగా పరిగణిస్తారు. మీకు వ్యాపారంలో నష్టాలు వస్తున్నా, లేదా ఆర్థిక పురోగతి లేకపోయినా.. శుక్రవారం సాయంత్రం ఈశాన్య మూలలో ఒక చిన్న ప్రమిదలో దీపం వెలిగించి చూడండి. దీనివల్ల వాస్తు దోషాలు తొలగిపోయి లాభాల బాట పడతారు.
దీపం వెలిగించేటప్పుడు గుర్తుంచుకోవాల్సిన ముఖ్య నియమాలు:
నేలపై వద్దు: ప్రమిదను ఎప్పుడూ నేరుగా నేలపై పెట్టకూడదు. కింద ఒక చిన్న ప్లేట్ లేదా ఆకులు, పువ్వులు ఉంచి దానిపై మాత్రమే దీపాన్ని ఉంచాలి.
దిశ ముఖ్యం: దీపపు వత్తులు ఎల్లప్పుడూ తూర్పు లేదా ఉత్తర దిశ వైపు చూస్తున్నట్లుగా వెలిగించాలి. ఎట్టి పరిస్థితుల్లోనూ పడమర లేదా దక్షిణం వైపు ముఖం చేసి దీపం పెట్టకూడదు.
ఈ చిన్నపాటి నియమాలను పాటిస్తూ, భక్తితో శుక్రవారం నాడు ఈ ఐదు చోట్ల దీపాలు వెలిగిస్తే మీ ఇంట్లో ఉండే అశాంతి మాయమై, అష్టైశ్వర్యాలు సిద్ధిస్తాయి.
