పాలకూర, టమాటా.. ఈ రెండింటి కాంబినేషన్లో కూర వండితే ఆ రుచే వేరు. కానీ, ఈ రెండూ కలిపి తింటే కిడ్నీల్లో రాళ్లు (Kidney Stones) ఏర్పడతాయని చాలామంది భయపడుతుంటారు.
తరచుగా వినిపించే ఈ మాటల్లో వాస్తవం ఉందా? అసలు సైన్స్ ఏం చెబుతుందో ఇక్కడ వివరంగా తెలుసుకుందాం.
కిడ్నీల్లో రాళ్లు ఏర్పడటానికి ప్రధాన కారణం కాల్షియం ఆక్సలేట్ (Calcium Oxalate), యూరిక్ యాసిడ్ మరియు ఫాస్పరస్. మనం తీసుకునే ఆహారంలో ఆక్సలేట్లు ఎక్కువగా ఉండి, శరీరంలో నీటి శాతం తగ్గినప్పుడు ఇవి కిడ్నీల్లో స్పటికాలుగా (Crystals) మారి, కాలక్రమేణా రాళ్లుగా రూపాంతరం చెందుతాయి.
ఆక్సలేట్ల ప్రభావం: పాలు, పాలకూర, టమాటా వంటి వాటిలో ఆక్సలేట్లు సహజంగానే అధిక మోతాదులో ఉంటాయి.
రసాయన చర్య: ఈ రెండింటినీ కలిపి తీసుకున్నప్పుడు, వాటిలో ఉండే ఆక్సలేట్లు మన రక్తంలోని కాల్షియం మరియు ఐరన్ లవణాలతో కలిసిపోతాయి.
శరీరంలో తగినంత నీరు లేకపోతే, ఇవి కిడ్నీల్లో పేరుకుపోయే ప్రమాదం ఉంది.
పాలకూర, టమాటా కలిపి తిన్నంత మాత్రాన వెంటనే కిడ్నీల్లో రాళ్లు ఏర్పడవు. ఇది పూర్తిగా అపోహ మాత్రమే! పాలకూర, టమాటాలలో శరీరానికి కావాల్సిన ఎన్నో అద్భుతమైన పోషకాలు, విటమిన్లు ఉంటాయి.
ఏదైనా మోతాదు మించి తిన్నప్పుడే (Overconsumption) సమస్య వస్తుంది. పరిమితంగా ఈ రెండింటినీ కలిపి తీసుకుంటే ఆరోగ్యానికి ఎలాంటి ఢోకా లేదు.
ఈ జాగ్రత్తలు పాటిస్తే పూర్తి సేఫ్:
నీళ్లు బాగా తాగాలి: రోజూ తగినన్ని నీళ్లు తాగడం వల్ల మూత్రం ద్వారా వ్యర్థాలు, అదనపు ఆక్సలేట్లు బయటకు వెళ్లిపోతాయి. రాళ్లు ఏర్పడే ఛాన్స్ ఉండదు.
అతి వద్దు: పాలకూర, టమాటాలను మోతాదుకు మించి, రోజూ అధికంగా తీసుకోకూడదు.
సారాంశం: మితంగా తింటే అమృతం, అమితంగా తింటే విషం అన్నట్లు.. పాలకూర, టమాటాలను లిమిట్గా తీసుకుంటూ, రోజూ తగినన్ని నీళ్లు తాగితే కిడ్నీల్లో రాళ్లు వస్తాయనే భయం అవసరమే లేదు!
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు 'telugulifestyle' బాధ్యత వహించదని గమనించగలరు.
