పెయిన్ కిల్లర్స్ మానేయండి! ఈ ఆకుతో మోకాళ్లు, కీళ్ల నొప్పులు ఇట్టే మాయం!

కీళ్ల నొప్పులు, మోకాళ్ల నొప్పులు అనగానే వెంటనే పెయిన్ కిల్లర్స్ (Pain Killers) వేసుకుంటున్నారా? అయితే మీరు మీ ఆరోగ్యంతో ఆడుకుంటున్నట్టే. 

తరచుగా పెయిన్ కిల్లర్స్ వాడటం వల్ల ఎన్నో సైడ్ ఎఫెక్ట్స్ వస్తాయి. వీటికి బదులు మన చుట్టుపక్కల దొరికే ఒక అద్భుతమైన ఆకుతో నొప్పులకు చెక్ పెట్టవచ్చు.

మన చుట్టుపక్కల ఎన్నో రకాల మొక్కలు ఉంటాయి. కానీ వాటి గురించి మనకు తెలియక పిచ్చి మొక్కలుగా భావించి పీకేస్తుంటాం. అలాంటి అత్యంత శక్తివంతమైన ఔషధ మొక్కలలో 'వావిలాకు' (Vavillaku) ఒకటి. 

దీని గురించి మన అమ్మమ్మలు, నానమ్మలకు బాగా తెలుసు. ఒకప్పుడు బాలింతలకు స్నానం చేయించడానికి ఈ ఆకులనే ఉపయోగించేవారు. వావిలాకు వేసి కాచిన నీటితో స్నానం చేస్తే శరీరంలోని నొప్పులన్నీ మాయం అవుతాయి.

మరి ఈ వావిలాకును ఉపయోగించి నొప్పులను ఎలా తగ్గించుకోవాలో ఇప్పుడు చూద్దాం:

1. కీళ్ళ వాపు, నొప్పులకు 'వావిలాకు పేస్ట్': కీళ్ల నొప్పులు, వాపులతో బాధపడేవారికి వావిలాకు దివ్యౌషధం.

గుప్పెడు వావిలి ఆకులను తీసుకుని మెత్తని పేస్టులా నూరుకోవాలి.ఈ పేస్ట్‌ను కొద్దిగా వేడి చేసి, నొప్పి లేదా వాపు ఉన్న ప్రదేశంలో రాయాలి.

ఇలా చేయడం వల్ల కండరాలు రిలాక్స్ అయ్యి, నొప్పుల నుండి వెంటనే ఉపశమనం కలుగుతుంది.

2. నొప్పులను పీల్చేసే 'వావిలాకు నూనె': దీర్ఘకాలిక కండరాల నొప్పులు ఉన్నవారు ఈ నూనెను తయారు చేసి నిల్వ చేసుకోవచ్చు.

స్వచ్ఛమైన నువ్వుల నూనెలో, వావిలాకు రసం కలపాలి.

ఈ మిశ్రమాన్ని పొయ్యి మీద పెట్టి, నీరంతా ఇగిరిపోయి కేవలం నూనె మాత్రమే మిగిలేదాకా బాగా మరిగించాలి.

ఈ నూనెను చల్లార్చి ఒక సీసాలో భద్రపరుచుకోవాలి.

ఇందులో ఉండే పవర్‌ఫుల్ 'యాంటీ ఇన్ఫ్లమేటరీ' లక్షణాలు.. ఎన్ని రకాల నొప్పులనైనా చిటికెలో తగ్గిస్తాయి.

3. జ్వరం, దగ్గుకు చెక్ పెట్టే 'వావిలాకు కషాయం': మీకు పచ్చి ఆకులు దొరకకపోతే, ఆయుర్వేద షాపుల్లో లేదా ఆన్‌లైన్‌లో 'వావిలాకు పొడి' (Vavillaku Powder) దొరుకుతుంది.

రెండు కప్పుల నీటిలో, అర స్పూన్ వావిలాకు పొడి వేసి సగం నీరు అయ్యేవరకు బాగా మరిగించాలి.

ఈ కషాయాన్ని వడగట్టి తాగితే దగ్గు, గొంతు చికాకు, జ్వరం వంటివి ఇట్టే తగ్గిపోతాయి.

కాబట్టి, నొప్పులు రాగానే ట్యాబ్లెట్స్ వేసుకోవడం మానేసి, ప్రకృతి ప్రసాదించిన ఈ న్యాచురల్ రెమెడీని ట్రై చేయండి!

గమనిక: ఈ ఆర్టికల్ లో పేర్కొన్న అంశాలు, సూచనలు కేవలం మీకు అవగాహన కల్పించడం కోసమేనని గమనించగలరు. వీటిని వైద్య సలహాగా భావించకూడదు. ఏదైనా ఆరోగ్య సమస్య ఉంటే ముందుగా వైద్యుడిని సంప్రదించడం ఉత్తమం.

Also Read: ఒక్క జామ కాయ.. ఎంత మేలు చేస్తుందో తెలుసా.. ఏ సమయంలో తింటే మంచిది..

Also Read: మెలనిన్ ఉత్పత్తిని పెంచి నేచురల్ గా తెల్ల జుట్టుకు చెక్ పెట్టే 5 సూపర్ ఫుడ్స్..

గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు 'telugulifestyle' బాధ్యత వహించదని గమనించగలరు.