.webp "black pepper and cinnamon")
నేటి ఉరుకుల పరుగుల జీవితంలో వయసుతో సంబంధం లేకుండా చాలా మందిని వేధిస్తున్న ప్రధాన సమస్య 'గ్యాస్, కడుపు ఉబ్బరం మరియు అజీర్తి'. మారిన ఆహారపు అలవాట్లు, జంక్ ఫుడ్ ఎక్కువగా తినడం, తిన్న ఆహారం సరిగ్గా జీర్ణం కాకపోవడం వంటి కారణాల వల్ల ఈ సమస్యలు వస్తుంటాయి.
అయితే ప్రతి చిన్న సమస్యకు మందుల మీద ఆధారపడకుండా, మన వంటగదిలో ఉండే మూడే మూడు వస్తువులతో గ్యాస్ సమస్యను మాయం చేసే ఒక అద్భుతమైన ఆయుర్వేద పొడిని ఎలా తయారు చేసుకోవాలో ఈ ఆర్టికల్ లో తెలుసుకుందాం.
కావలసిన పదార్థాలు - వాటి ఉపయోగాలు:
ఈ జీర్ణక్రియను మెరుగుపరిచే పొడి తయారీకి మనకు కేవలం మూడు పదార్థాలు మాత్రమే కావాలి:
దాల్చిన చెక్క (1 స్పూన్): దాల్చిన చెక్క గ్యాస్, కడుపు ఉబ్బరం తగ్గించడానికి అద్భుతంగా పనిచేస్తుంది. ఇందులోని పోషకాలు కడుపులో జీర్ణ రసాలను ప్రేరేపించి తీసుకున్న ఆహారం త్వరగా జీర్ణమయ్యేలా చేసి, పేరుకుపోయిన గ్యాస్ను బయటకు పంపుతాయి.
మిరియాలు (1 స్పూన్): ఆయుర్వేదంలో జీర్ణవ్యవస్థను మెరుగుపరచడానికి మిరియాలను ఎక్కువగా వాడుతారు. మిరియాల్లో ఉండే 'పైపెరిన్' కడుపులో HCL ఉత్పత్తిని పెంచి, తీసుకున్న ఆహారం సులభంగా జీర్ణమయ్యేలా చేస్తుంది.
యాలకులు (1 స్పూన్): యాలకులు జీర్ణ రసాల ఉత్పత్తిని పెంచడమే కాకుండా చలువ చేసే గుణాన్ని కలిగి ఉంటాయి. దాల్చిన చెక్క, మిరియాలతో పోలిస్తే యాలకులకు ఉన్న ఈ చలువ చేసే గుణం వల్ల కడుపులో మంట, ఎసిడిటీ తగ్గిపోతాయి.
తయారు చేసుకునే విధానం:
ఈ మూడింటిని చిన్న మిక్సీ జార్లో వేసి మెత్తని పౌడర్గా గ్రైండ్ చేసుకోవాలి.
యాలకులు వేయడం వల్ల కొంచెం పీచుగా ఉంటుంది కాబట్టి, గ్రైండ్ చేసుకున్న పొడిని ఒక జల్లెడ సహాయంతో మెత్తగా జల్లించుకోవాలి.
ఇలా తయారైన పౌడర్ను ఒక డబ్బాలో పెట్టుకుంటే సుమారు 15 రోజుల పాటు నిల్వ ఉంటుంది.
వాడే విధానం - ఎప్పుడు తినాలి?
ఒక చిన్న గిన్నెలో అర స్పూన్ తేనె తీసుకోవాలి.
అందులో మనం తయారు చేసి పెట్టుకున్న పొడిని పావు (1/4) స్పూన్ వేసి బాగా కలుపుకోవాలి.
ఈ మిశ్రమాన్ని ప్రతిరోజూ భోజనం చేయడానికి 15 నిమిషాల ముందు తినాలి.
ఇలా వరుసగా 3 రోజుల పాటు క్రమం తప్పకుండా చేస్తే గ్యాస్, కడుపు ఉబ్బరం వంటి సమస్యలు మాయమవుతాయి.
ముఖ్య గమనిక: ఈ ఇంటి చిట్కా గ్యాస్ సమస్య ప్రారంభ దశలో ఉన్నప్పుడు లేదా సాధారణ అజీర్తికి చాలా ప్రభావవంతంగా పనిచేస్తుంది. ఒకవేళ మీ సమస్య తీవ్రంగా ఉండి, తగ్గకపోతే మాత్రం అశ్రద్ధ చేయకుండా వెంటనే వైద్యుడిని (Doctor) సంప్రదించడం ఉత్తమం.
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు 'telugulifestyle' బాధ్యత వహించదని గమనించగలరు.
.webp)
