Garlic benefits in telugu : వెల్లుల్లిలో ఎన్నో పోషకాలు, ఎన్నో ఆరోగ్య ప్రయోజనాలు ఉన్నాయి. అయితే వెల్లుల్లి వాసన కారణంగా మనలో చాలా మంది వెల్లుల్లిని తినటానికి ఇష్టపడరు. అయితే ప్రతి రోజు వెల్లుల్లి తీసుకుంటే ఎన్నో రకాల సమస్యల నుంచి బయటపడవచ్చు.
ఎముకలు బలహీనంగా, పెళుసుగా ఉన్నవారు వెల్లుల్లిని ప్రతి రోజు తీసుకుంటే మంచి ఫలితం ఉంటుంది. రక్తపోటు నియంత్రణలో ఉండేలా చేసి రక్త ప్రవాహం బాగా సాగేలా చేసి గుండె ఆరోగ్యంగా ఉండేలా చేస్తుంది.
చెడు కొలెస్ట్రాల్ తగ్గించి మంచి కొలెస్ట్రాల్ పెరిగేలా చేస్తుంది. వెల్లుల్లిలో యాంటీ ఇన్ఫ్లమేటరీ గుణాలు ఉన్న సమ్మేళనాలు ఉండుట వలన శరీరంలో మంటను తగ్గించడంలో సహాయపడతాయి. అలాగే ఆర్థరైటిస్ వంటి సమస్యలను తగ్గించటానికి సహాయపడతాయి.
వెల్లుల్లిలో ఉన్న అల్లిసిన్ అనే సమ్మేళనం శరీరంలో రోగనిరోధక శక్తిని పెంచుతుంది. మెదడు పనితీరు బాగుండేలా చేస్తుంది. రోజుకి 2 వెల్లుల్లి రెబ్బలు ఉడికించి లేదా పచ్చిగా తీసుకోవచ్చు. అయితే గ్యాస్ సమస్య ఉన్నవారు పచ్చి వెల్లుల్లి తినకూడదు.
గమనిక:ఈ ఆర్టికల్ లో పేర్కొన్న అంశాలు, సూచనలు కేవలం మీకు అవగాహన కల్పించడం కోసమేనని గమనించగలరు. వీటిని వైద్య సలహాగా భావించకూడదు.
