Garlic Butter Naan : ఓవెన్ లేదా తందూరి లేకుండానే ఇంట్లో పెనం మీదే అచ్చం రెస్టారెంట్ స్టైల్ 'గార్లిక్ బటర్ నాన్' (Garlic Butter Naan) ఎలా చేసుకోవాలో వెతుకుతున్నారా? అయితే ఎంతో సాఫ్ట్గా వచ్చే ఈ పర్ఫెక్ట్ నాన్ రెసిపీ మీకోసమే.
పన్నీర్ లేదా ఏదైనా నాన్-వెజ్ కర్రీలోకి అదిరిపోయే ఈ గార్లిక్ నాన్ తయారీ విధానం ఇక్కడ స్టెప్-బై-స్టెప్ తెలుసుకోండి. రెస్టారెంట్లలో లభించే విధంగా.. గార్లిక్ బటర్ నాన్లను ఇలా తయారు చేసుకోండి..!
కావలసిన పదార్దాలు
గోధుమపిండి: అరకిలో
పాలు: ఒక కప్పు
కోడిగుడ్లు: 2
పెరుగు: పావుకప్పు
నీళ్లు: సరిపడా
వెల్లుల్లితురుము: 4 టేబుల్స్పూన్లు
ఉప్పు: సరిపడా
నూనె: తగినంత
ఈస్ట్: టేబుల్స్పూను
తయారుచేసే విధానం
ముందుగా ఒక గిన్నెలో గోరువెచ్చని నీరు పోసి దానిలో ఈస్ట్ వేసి 10 నిముషాలు ఉంచితే కరుగుతుంది. ఇప్పుడు దానిలో గోధుమపిండి,కోడిగుడ్లు, పెరుగు,పాలు,ఉప్పు వేసి మెత్తని పిండిలా బాగా కలిపి 10 నిముషాలు మర్దన చేయాలి.
దీనిని నిమ్మకాయంత సైజ్ లో ఉండలు చేసుకొని వెల్లుల్లి తురుములో దొర్లించి నాన్ షేప్ లో చేసుకోవాలి. వీటిని నూనె లేదా వెన్నతో కాల్చుకోవచ్చు. లేనిచో నాన్ కాల్చిన తర్వాత వెన్న రాసిన బాగుంటుంది.
