Egg Bhurji : కోడిగుడ్డును చాలా మంది ఇష్ట‌ప‌డ‌తారు. దీనితో చేసిన వంట‌కాల‌ను అనేక‌మంది ఆస్వాదిస్తూ తింటారు. కోడిగుడ్ల‌తో మనం వివిధ ర‌కాల వంట‌ల‌ను చేయవచ్చు. వీటిని సుల‌భంగా ఉడ‌క‌బెట్టి గానీ ఆమ్లెట్ గానీ చేసి తింటారు. అలాగే కోడిగుడ్డు ఫ్రై, కోడిగుడ్డు టమాటా కూర, పులుసు వంటి వంట‌కాల‌ను చేసి తిన‌డం కూడా చాలా సాధార‌ణం.
ఎగ్ భుర్జీ అనేది గుడ్లతో చేసే వంటకాలలో ఒక భాగం. దీనిని సాధారణంగా ధాబాల్లో తయారు చేస్తారు. అక్కడ ఇది చాలా రుచికరంగా ఉంటుంది. కానీ కొంచెం ప్రయత్నం పెట్టిన మనం ఇంట్లో కూడా ఎగ్ భుర్జీని చాలా రుచిగా తయారు చేయవచ్చు. మరి ఎగ్ భుర్జీ తయారీకి అవసరమైన పదార్థాలు ఏమిటి.. దాన్ని ఎలా తయారు చేయాలి అనే విషయాలను ఇప్పుడు చూద్దాం.
కావ‌ల్సిన పదార్థాలు..
కోడిగుడ్లు - 4 (పెద్దవి), నెయ్యి లేదా నూనె - 1 టేబుల్ స్పూన్, ఉల్లిపాయ - 1 (మధ్యస్థ పరిమాణం, సన్నగా తరగాలి), పచ్చి మిర్చి - 1 లేదా 2 (సన్నగా తరగాలి), టమాటా - 1 (మధ్యస్థ పరిమాణం, సన్నగా తరగాలి), క్యాప్సికం - అర కప్పు (సన్నగా తరగాలి), పసుపు - అర టీస్పూన్, కారం - అర టీస్పూన్, గరం మసాలా - అర టీస్పూన్, జీలకర్ర - అర టీస్పూన్, ఆవాలు - అర టీస్పూన్, ఉప్పు - తగినంత, కొత్తిమీర - కొంచెం (అలంకరణకు, సన్నగా తరగాలి), నిమ్మరసం - కొంచెం.
తయారు చేసే విధానం..
స్టౌవ్ ఆన్ చేసి, మీడియం మంట మీద పాన్ ఉంచి దానిలో నూనె లేదా నెయ్యి వేసి వేడిచేయాలి. ఆ తరువాత జీలకర్ర, ఆవాలు వేసి పొప్పులాడించాలి. అందులో తరిగిన ఉల్లిపాయలు, పచ్చి మిర్చి వేసి, వాటిని బాగా వేగించాలి. క్యాప్సికం ముక్కలను వేసి, మరో 2 నుండి 3 నిమిషాల పాటు వేగించాలి. చివరగా, టమాటా ముక్కలను వేసి, అవి మెత్తగా అయ్యేవరకు ఉడికించాలి.
కోడి గుడ్లను పగులగొట్టి వేసి పసుపు, కారం, ఉప్పు వేసి గిలకొట్టాలి. ఆ తర్వాత చిన్న ముక్కలుగా చేసి ఉడికించిన .కూరగాయల ముక్కలతో కోడి గుడ్డు బాగా కలిసేంత వరకు వేయించాలి. అనంతరం గరం మసాలా పొడి వేసి, మరో నిమిషం పాటు కలిపి వేయించాలి. చివరగా కొత్తిమీర ఆకులను జల్లి అలంకరించాలి. ఇష్టపడితే నిమ్మరసం చిలకరించి తినవచ్చు; ఇది రుచిని మరింత పెంచుతుంది. లేదా దానికి అవసరం లేకపోతే వదిలేయవచ్చు.
ఎగ్ భుర్జీని ధాబా శైలిలో తయారు చేయ‌డం ఇంట్లో చాలా సుల‌భం. దీన్ని అన్నం, టోస్ట్ చేసిన బ్రెడ్‌, ప‌రాటా లేదా చ‌పాతీతో తినవచ్చు. ఇది చాలా రుచికరంగా ఉండి, అంద‌రూ ఇష్ట‌ప‌డ‌తారు. త్వ‌ర‌గా తయారు చేయవచ్చు, అందుకే ఇది బ్రేక్‌ఫాస్ట్ లేదా లంచ్‌కి బాగా సూట్ అవుతుంది.
