Gastric Problems Remedies:గ్యాస్, అసిడిటీ సమస్యలకు 5 ఇంటి చిట్కాలు..ప్రస్తుతం గ్యాస్, అసిడిటీ వంటి జీర్ణ సమస్యలు చాలా మందిని వేధిస్తున్నాయి. సమయానికి ఆహారం తీసుకోకపోవడం, అతిగా భోజనం చేయడం లేదా ఒత్తిడి వల్ల ఈ సమస్యలు తలెత్తుతాయి. దీని కారణంగా కడుపు ఉబ్బరం, మంట, అసౌకర్యం వంటి ఇబ్బందులు ఎదురవుతాయి.
కొన్ని మందులు తాత్కాలిక ఉపశమనం అందించినప్పటికీ, ఈ సమస్యలను శాశ్వతంగా నివారించలేవు. అయితే, కొన్ని సహజ ఇంటి చిట్కాలతో ఈ సమస్యలను అదుపులో ఉంచవచ్చు. అవేంటో ఇప్పుడు తెలుసుకుందాం..
మొదటి చిట్కా: కొత్తిమీర, సోంపు, జీలకర్ర టీ
ఈ మూడు పదార్థాలు జీర్ణక్రియను మెరుగుపరుస్తాయి మరియు కడుపులో గ్యాస్, అసిడిటీని తగ్గిస్తాయి. ఈ చిట్కా ఆయుర్వేదంలో ప్రసిద్ధం. ఒక టీస్పూన్ జీలకర్ర, ఒక టీస్పూన్ కొత్తిమీర గింజలు, ఒక టీస్పూన్ సోంపును 2 కప్పుల నీటిలో వేసి, తక్కువ మంటపై 5-7 నిమిషాలు మరిగించండి. వడకట్టి, భోజనం తర్వాత వేడిగా తాగండి.
రెండవ చిట్కా: అల్లం టీ
అల్లం కడుపు ఉబ్బరం, జీర్ణ సమస్యలకు అద్భుతమైన ఔషధం. ఒక గ్లాసు నీటిలో అంగుళం అల్లం ముక్క, అర టీస్పూన్ సోంపు, ఒక యాలకను వేసి 5 నిమిషాలు మరిగించండి. ఈ మిశ్రమాన్ని వడకట్టి, రోజుకు రెండుసార్లు తాగండి. అల్లం ముక్కను నమిలి, దాని రసాన్ని మింగడం కూడా మంచి ఫలితాలను ఇస్తుంది.
మూడవ చిట్కా: వాము నీరు
పబ్‌మెడ్ నివేదిక ప్రకారం, ఆయుర్వేదంలో వామును జీర్ణ సమస్యలకు ఔషధంగా ఉపయోగిస్తారు. మలబద్ధకం, కడుపు నొప్పి, గ్యాస్, అసిడిటీ సమస్యలకు ఇది గొప్ప పరిష్కారం. ఒక గ్లాసు నీటిలో ఒక టీస్పూన్ వాము, ఒక టీస్పూన్ జీలకర్ర వేసి బాగా మరిగించండి. ఈ నీటిని ఉదయం ఖాళీ కడుపుతో తాగితే, అసిడిటీ నుంచి త్వరిత ఉపశమనం లభిస్తుంది.
నాలుగవ చిట్కా: యాపిల్ సైడర్ వెనిగర్
యాపిల్ సైడర్ వెనిగర్ గ్యాస్, కడుపు ఉబ్బరం సమస్యలకు సమర్థవంతంగా పనిచేస్తుంది. ఒక గ్లాసు గోరువెచ్చని నీటిలో 2 టీస్పూన్ల యాపిల్ సైడర్ వెనిగర్ కలిపి తాగండి. ఈ సమస్య తరచూ ఇబ్బంది పెడితే, రోజూ ఉదయం ఈ మిశ్రమాన్ని తీసుకోవడం మంచిది.
ఐదవ చిట్కా: నిమ్మరసం
నిమ్మరసం జీర్ణక్రియను మెరుగుపరిచి, గ్యాస్ట్రిక్ సమస్యలను తగ్గిస్తుంది. ఇందులోని ఆమ్ల గుణం హైడ్రోక్లోరిక్ ఆమ్ల ఉత్పత్తిని ప్రోత్సహించి, ఆహారాన్ని సులభంగా జీర్ణం చేస్తుంది. ఒక గ్లాసు గోరువెచ్చని నీటిలో 2 టీస్పూన్ల నిమ్మరసం, చిటికెడు ఉప్పు కలిపి ఉదయం ఖాళీ కడుపుతో తాగండి.
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు 'telugulifestyle' బాధ్యత వహించదని గమనించగలరు.
