Amla Seeds:ఉసిరి గింజలు పడేస్తున్నారా? అయితే ఈ ప్రయోజనాలు తెలిస్తే అసలు వదలరుగా.. ఉసిరి కాయలు (ఆమ్లా) ఆరోగ్యానికి ఎంతో మేలు చేస్తాయని అందరికీ తెలుసు. భారతీయ ఆయుర్వేదంలో ఉసిరి ఒక ముఖ్యమైన ఔషధంగా పరిగణించబడుతుంది. అయితే, చాలా మంది ఉసిరి గింజలను పనికిరానివిగా భావించి పారేస్తారు. కానీ, ఉసిరి కాయలతో పాటు గింజల్లో కూడా అనేక ప్రయోజనాలు దాగి ఉన్నాయి. ఉసిరి కాయల్లో ఉండే పోషక విలువలు గింజల్లో కూడా సమృద్ధిగా ఉంటాయి.
ఉసిరి గింజలను శుభ్రంగా కడిగి, ఎండబెట్టి, పొడి చేసి నిల్వ చేసుకుంటే వాటిని అనేక విధాలుగా ఉపయోగించవచ్చు. రోజూ ఒక గ్లాసు గోరువెచ్చని నీటిలో పావు టీ స్పూన్ ఉసిరి గింజల పొడి కలిపి తాగితే ఆరోగ్యానికి ఎంతో మంచిది. ఈ గింజల్లో ఫైబర్ సమృద్ధిగా ఉంటుంది, ఇది జీర్ణవ్యవస్థను మెరుగుపరిచి, గ్యాస్, అజీర్తి వంటి సమస్యలను తగ్గిస్తుంది. అంతేకాక, పేగుల్లో పెరిగే హానికర బ్యాక్టీరియాను నియంత్రిస్తుంది.
ఉసిరి గింజల్లోని సహజ రసాయనాలు శరీరంలోని విష పదార్థాలను తొలగించి, శరీరాన్ని డీటాక్స్ చేస్తాయి. ఇవి ఆరోగ్యకరమైన చర్మం, మృదువైన జుట్టును ప్రోత్సహిస్తాయి. అలాగే, గోరువెచ్చని నీటిలో ఉసిరి గింజల పొడి కలిపి తాగడం వల్ల రక్తంలో చక్కెర స్థాయిలను నియంత్రించడంలో సహాయపడుతుందని కొన్ని అధ్యయనాలు చెబుతున్నాయి. ఈ గింజల్లోని పోషకాలు మెదడు ఆరోగ్యాన్ని మెరుగుపరచడంలో కూడా తోడ్పడతాయి.
ఉసిరి గింజల పొడిని నూనెలో కలిపి తలకు రాస్తే, జుట్టు కుదుళ్లు బలపడతాయి మరియు తలలో రక్త ప్రసరణ మెరుగుపడుతుంది. దీనివల్ల జుట్టు రాలడం తగ్గుతుంది. అంతేకాక, ఉసిరి గింజల్లో యాంటీ-బాక్టీరియల్, యాంటీ-ఫంగల్ లక్షణాలు ఉంటాయి. ఈ పొడిని నీటితో కలిపి చర్మంపై రాస్తే, చర్మ సంబంధిత ఇన్ఫెక్షన్లను తగ్గించుకోవచ్చు.
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు 'telugulifestyle' బాధ్యత వహించదని గమనించగలరు.
