Hotel style sambar rice: వేడివేడి సాంబార్ అన్నం (Sambar Rice) పైన కాస్త నెయ్యి వేసుకుని తింటుంటే వచ్చే ఆ కమ్మటి రుచి మాటల్లో చెప్పలేం. చాలామందికి సాంబార్ రైస్ అంటే అమితమైన ఇష్టం ఉంటుంది, కానీ వండినప్పుడు అచ్చం హోటల్ స్టైల్ రుచి (Hotel style taste) రావడం లేదని ఫీల్ అవుతుంటారు.
అయితే ఎలాంటి హడావిడి లేకుండా, ఇంట్లో ఉండే కూరగాయలతో, కుక్కర్‌లో చాలా సులభంగా గుమగుమలాడే 'హోటల్ స్టైల్ సాంబార్ రైస్'ను ఎలా తయారు చేయాలో ఈ ఆర్టికల్‌లో చూద్దాం. ఈ చిన్న సీక్రెట్ మసాలా ట్రిక్స్ ఫాలో అవుతూ వండితే.. పిల్లలు, పెద్దలు ఎంతో ఇష్టంగా ప్లేట్ మొత్తం ఖాళీ చేస్తారు. లంచ్ బాక్స్‌కి కూడా ఇది బెస్ట్ ఆప్షన్!
ఏమీ తోచనప్పుడు మాత్రమే కాదు, టేస్టీగా తినాలనిపించినప్పుడు కూడా! వారంలో రెండు సార్లు ఇలాంటి సాంబార్ రైస్ చేయించుకుని చూడండి. ఎంతో రుచికరంగా తినేస్తారు. పిల్లల స్కూల్ లంచ్ బాక్స్‌లోకి ఈ రెసిపీ సూపర్‌గా ఉంటుంది. అప్పటికప్పుడు టేస్టీగా తయారుచేసే ఈ సాంబార్ రైస్ రెసిపీని మీరు కూడా ఇలా ప్రయత్నించండి!
Also Read:గుండెను ఉక్కులా మార్చే దోశ..! ఒక్కసారి రుచి చూస్తే రోజూ కావాలనిపిస్తుంది..కావలసిన పదార్థాలు:
బియ్యం - 1 కప్పు
కందిపప్పు - అర కప్పు
ఉల్లిపాయ - 1 పెద్దది (ముక్కలుగా)
పచ్చిమిర్చి - 3 (చీలికలుగా)
టమాటా - 2 (ముక్కలుగా)
క్యారెట్ - 2 (ముక్కలుగా)
బీన్స్ - 5 (ముక్కలుగా)
వంకాయలు - 2 (ముక్కలుగా)
కరివేపాకు - 2 రెమ్మలు
సాంబార్ పొడి - 1 స్పూన్
పసుపు - ¼ స్పూన్
కారం - 1 స్పూన్
ధనియాల పొడి - 1 స్పూన్
ఉప్పు - రుచికి సరిపడా
చింతపండు - కొద్దిగా (రసం కోసం)
బెల్లం - చిన్న ముక్క
తాలింపు కోసం:
నెయ్యి - 1 టేబుల్ స్పూన్
ఆవాలు - ½ స్పూన్
జీలకర్ర - ½ స్పూన్
జీడిపప్పు - 10
ఎండు మిర్చి - 2
ఇంగువ - చిటికెడు
కొత్తిమీర - చిన్న కట్ట (తరిగినది)
Also read:మైదా లేకుండా బ్రెడ్ ముక్కలతో హోటల్ కంటే రుచిగా సమోసా ఎలా చేయాలి?తయారీ విధానం:
1 కప్పు బియ్యం, అర కప్పు కందిపప్పును నీళ్లలో బాగా కడిగి, వడకట్టి పక్కన పెట్టుకోండి.కుక్కర్‌లో కడిగిన బియ్యం-పప్పు మిశ్రమం వేసి, ఉల్లిపాయ ముక్కలు, పచ్చిమిర్చి చీలికలు, టమాటా ముక్కలు, క్యారెట్-బీన్స్-వంకాయ ముక్కలు, 1 రెమ్మ కరివేపాకు, సాంబార్ పొడి, పసుపు, కారం, ధనియాల పొడి వేసి బాగా కలపండి.
అదే కప్పుతో 6 కప్పుల నీళ్లు పోసి, మూత పెట్టి మీడియం ఫ్లేమ్‌లో 3 విజిల్స్ వచ్చే వరకు ఉడికించండి.ప్రెజర్ పోయాక మూత తీసి, ఉప్పు, చింతపండు రసం, 1 గ్లాసు వేడి నీళ్లు, చిన్న బెల్లం ముక్క వేసి సన్నని మంటపై 10 నిమిషాలు మగ్గనివ్వండి.
మరో చిన్న కడాయిలో నెయ్యి వేడక్కించి, ఆవాలు, జీలకర్ర, జీడిపప్పు, ఎండు మిర్చి, ఇంగువ, మిగిలిన కరివేపాకు వేసి దోరగా వేయించండి.తాలింపును సాంబార్ రైస్‌లో కలిపి, తరిగిన కొత్తిమీర చల్లి, తక్కువ మంటపై 3 నిమిషాలు మగ్గనిచ్చి స్టవ్ ఆఫ్ చేయండి.
టేస్టీ సాంబార్ రైస్ రెడీ! చిప్స్ లేదా పచ్చడితో సర్వ్ చేస్తే హోటల్ స్టైల్ రుచి వస్తుంది.
"Hotel style sambar rice in telugu, sambar annam recipe, easy sambar sadam telugu, lunch box recipes in telugu, pressure cooker sambar rice, veg recipes in telugu, హోటల్ స్టైల్ సాంబార్ రైస్, సాంబార్ అన్నం తయారీ విధానం, తెలుగు కుకింగ్ రెసిపీస్."
