Capsicum Rice:కేవలం 10 నిమిషాల్లో రాత్రి మిగిలిన అన్నంతో క్యాప్సికమ్ మసాలా రైస్ చేసేయండి.. క్యాప్సికమ్తో ఏ వంటకం చేసినా రుచి అదిరిపోతుంది కదా! ముఖ్యంగా ఉదయం ఆఫీసు-స్కూల్ హడావిడిలో 10-15 నిమిషాల్లోనే రెడీ అయ్యే సూపర్ ఈజీ రెసిపీ ఇది.
మిగిలిన అన్నంతో చేసుకుంటే బెస్ట్! పిల్లల లంచ్ బాక్స్కి కూడా పర్ఫెక్ట్. ఉదయం చేసి మధ్యాహ్నం తిన్నా అస్సలు పాడవదు, చల్లారాక కూడా మసాలా రుచి సూపర్గా ఉంటుంది. పెరుగు రైతా లేదా అప్పడాలతో సర్వ్ చేస్తే… ఆ మజానే వేరు! రంగురంగుల క్యాప్సికమ్ వల్ల చూడ్డానికి కూడా ఎంత బాగుంటుందో చూడండి.
కావలసిన పదార్థాలు (2-3 మందికి)
ఉడికించిన అన్నం (మిగిలినా కొత్తగా ఉడికించినా) – 2 కప్పులు
క్యాప్సికమ్ (రంగురంగులు తీసుకుంటే బాగుంటుంది) – 1 కప్పు (క్యూబ్స్గా కట్ చేసుకోవాలి)
ఉల్లిపాయ – 1 పెద్దది (సన్నగా పొడవుగా తరుగు)
టమోటా – 1 పెద్దది (ముక్కలు)
పచ్చిమిర్చి – 2 (సన్నగా తరిగినవి)
వెల్లుల్లి రెబ్బలు – 4-5 (సన్నగా తరుగు)
కరివేపాకు – 2 రెమ్మలు
కొత్తిమీర – రెండు గుప్పెడు
నూనె – 2 టేబుల్ స్పూన్లు
జీలకర్ర – ½ టీస్పూన్
పసుపు – చిటికెడు
కారం – 1 టీస్పూన్ (మీ రుచికి తగ్గట్టు)
ధనియాల పొడి – 1 టీస్పూన్
గరం మసాలా – ½ టీస్పూన్
ఉప్పు – సరిపడా
తయారు విధానం (10-15 నిమిషాల్లోనే రెడీ!)
వెడల్పాటి పాన్లో 2 టేబుల్ స్పూన్ల నూనె వేడి చేయండి.నూనె కాగానే జీలకర్ర, తరిగిన వెల్లుల్లి, పచ్చిమిర్చి, కరివేపాకు వేసి వేయించండి. వెల్లుల్లి నుంచి మంచి వాసన వచ్చే వరకు వేగనివ్వండి.
ఇప్పుడు ఉల్లిపాయ ముక్కలు వేసి దోరగా వేయించండి (లైట్ గోల్డెన్ కలర్ వచ్చే వరకు).
క్యాప్సికమ్ క్యూబ్స్ వేసి 2-3 నిమిషాలు హై ఫ్లేమ్పై వేయించండి. క్రంచీగానే ఉండాలి, మెత్తగా కాకూడదు.టమాటా ముక్కలు + ఉప్పు వేసి మరో 2 నిమిషాలు మగ్గనివ్వండి.మంట తగ్గించి పసుపు, కారం, ధనియాల పొడి, గరం మసాలా వేసి బాగా కలపండి. నూనె పైకి తేలే వరకు ఒక నిమిషం వేయించండి.
చల్లార్చిన ఉడికించిన అన్నం వేసి, మెతుకులు విరగకుండా నిదానంగా కలపండి (పులిహోర కలిపినట్టు).మూత పెట్టి సిమ్లో 2 నిమిషాలు దమ్ చేయండి – మసాలా ఫ్లేవర్ అన్నంలో బాగా పడుతుంది.చివరగా తరిగిన కొత్తిమీర చల్లి, స్టవ్ ఆఫ్ చేయండి.
అంతే! గుమగుమలాడే వేడి వేడి, రంగురంగుల క్యాప్సికమ్ మసాలా రైస్ రెడీ! పెరుగు రైతా లేదా చిప్స్/అప్పడాలతో సర్వ్ చేస్తే పిల్లలు అడిగి అడిగి తింటారు. తప్పకుండా ట్రై చేసి చూడండి… ఒక్క మెతుకు కూడా మిగలదు గ్యారంటీ!
