Palak Egg Bhurji:ఉరుకుల పరుగుల ఉదయంపూట లేదా రాత్రి డిన్నర్ సమయంలో తక్కువ సమయంలో హెల్తీగా ఏదైనా చేసుకోవాలనుకుంటే అందరికీ టక్కున గుర్తొచ్చేది ఎగ్ రెసిపీస్. అందులోనూ గుడ్లతో పాటు ఆకుకూరలను జోడిస్తే ఆరోగయానికి ఆరోగ్యం, రుచికి రుచి రెండు వస్తాయి.
అలా ఎంతో సులువుగా, కేవలం 15 నిమిషాల్లో తయారయ్యే అద్భుతమైన రెసిపీనే 'పాలక్ ఎగ్ భుర్జీ'. పాలకూరలోని పోషకాలు, గుడ్లలోని ప్రొటీన్లు కలిసి ఈ కూరను మరింత ఆరోగ్యకరంగా మారుస్తాయి. చపాతీ, రోటీ, పుల్కా లేదా వేడి వేడి అన్నంలోకి ఇది నూటికి నూరు శాతం పర్ఫెక్ట్ మ్యాచ్. మరి ఈ టేస్టీ అండ్ హెల్తీ పాలక్ ఎగ్ భుర్జీని ఎలా తయారు చేయాలో ఇప్పుడు స్టెప్-బై-స్టెప్ తెలుసుకుందాం రండి.
కేవలం 15 నిమిషాల్లో సూపర్ టేస్టీ పాలక్ ఎగ్ భుర్జీ – చపాతీకి పర్ఫెక్ట్ కాంబినేషన్! సాధారణ ఎగ్ భుర్జీ అందరం తింటాం… కానీ ఒక్కసారి పాలకూర కలిపి చూడండి – రుచి రెట్టింపు, పోషకాలు పదింతలు! ఐరన్, విటమిన్స్, ఫైబర్ పుష్కలంగా ఉండే పాలకూర + ప్రోటీన్ రిచ్ గుడ్లు = పిల్లల నుంచి డైట్ చేసేవాళ్ల వరకు అందరికీ సూపర్ హెల్దీ ఆప్షన్. ఉదయం టిఫిన్గా హడావిడిగా ఉన్నా, రాత్రి చపాతీతో కూడా ఈ భుర్జీ 15 నిమిషాల్లో రెడీ!
కావలసిన పదార్థాలు (4 మందికి)
కోడిగుడ్లు – 5
పాలకూర – 1 పెద్ద కట్ట (ఆకులు మాత్రమే, కాండాలు తీసేయండి)
ఉల్లిపాయలు – 2 పెద్దవి (సన్నగా తరుగు)
టమాటాలు – 2 పెద్దవి (సన్నగా తరుగు)
పచ్చిమిర్చి – 3 (మీ స్పైస్ లెవెల్ ప్రకారం)
అల్లం-వెల్లుల్లి పేస్ట్ – 1 టీస్పూన్
నూనె/వెన్న – 2–3 టేబుల్ స్పూన్లు
జీలకర్ర – ½ టీస్పూన్
పసుపు – ¼ టీస్పూన్
కారం పొడి – 1 టీస్పూన్ (లేదా మీ రుచికి)
ధనియా పొడి – 1 టీస్పూన్
గరం మసాలా – ½ టీస్పూన్
ఉప్పు – రుచికి తగినంత
కొత్తిమీర – ఒక చేతితో గార్నిష్ చేయడానికి
పాలకూరను శుభ్రంగా 3–4 సార్లు కడిగి, నీరు పూర్తిగా వడకట్టి చాలా సన్నగా తరిగి పక్కన పెట్టుకోండి.కడాయి వేడెక్కించి 2–3 టేబుల్ స్పూన్ల నూనె/వెన్న వేసి, జీలకర్ర, తరిగిన పచ్చిమిర్చి వేసి 10 సెకన్లు వేయించండి.
సన్నగా తరిగిన ఉల్లిపాయలు వేసి లేత గోల్డెన్ కలర్ వచ్చేవరకు మీడియం ఫ్లేమ్లో వేగనివ్వండి.
అల్లం-వెల్లుల్లి పేస్ట్ వేసి పచ్చి వాసన పోయే వరకు (30–40 సెకన్లు) వేయించండి.టమాటా ముక్కలు వేసి మెత్తగా మగ్గే వరకు మూత పెట్టి 2–3 నిమిషాలు ఉడికించండి.
ALSO READ:నోరూరించే ఉల్లిపాయ ఊరగాయ ~ అన్నం, పెరుగన్నం, పరాఠాకి పర్ఫెక్ట్ జోడీ!పసుపు, కారం, ధనియా పొడి, ఉప్పు వేసి బాగా కలిపి, మసాలా నుంచి నూనె కొద్దిగా పైకి తేలే వరకు 1–2 నిమిషాలు వేయించండి.ఇప్పుడు తరిగిన పాలకూర మొత్తం వేసేయండి. మొదట ఎక్కువగా కనిపిస్తుంది కానీ 2–3 నిమిషాల్లోనే తగ్గిపోతుంది. పాలకూరలోని నీరు పూర్తిగా ఆవిరైపోయి డ్రై అయ్యే వరకు బాగా వేయించండి (పచ్చి వాసన పోవాలి).
ఇప్పుడు 5 గుడ్లు పగలగొట్టి నేరుగా కడాయిలోకి వేసి, 10–15 సెకన్లు అలాగే ఉంచండి. తర్వాత గరం మసాలా, అవసరమైతే కొంచెం ఎక్కువ ఉప్పు వేసి నెమ్మదిగా కలుపుతూ స్క్రాంబుల్డ్ లాగా చేయండి.
గుడ్డు పూర్తిగా ఉడికి పొడి పొడిగా అయ్యాక (గట్టిగా అవ్వకుండా చూసుకోండి) స్టవ్ ఆఫ్ చేసి, పైన కొత్తిమీర చల్లండి.వేడి వేడి పాలక్ ఎగ్ భుర్జీ రెడీ! చపాతీ, రొట్టె, పుల్కా… ఏదైనా సరిపోతుంది. ఒకసారి ట్రై చేస్తే వీక్లీ మెనూలో ఫిక్స్ అవుతుంది.
