Onion Rice:ఇంట్లో కూరగాయలు ఏమీ లేనప్పుడు లేదా వంట చేయడానికి సమయం తక్కువగా ఉన్నప్పుడు అందరికీ గుర్తొచ్చే ఏకైక ఆప్షన్ ఉల్లిపాయ. మరి అదే ఉల్లిపాయతో, రాత్రి మిగిలిపోయిన అన్నాన్ని ఉపయోగించి కేవలం 10 నిమిషాల్లో కమ్మని బ్రేక్ఫాస్ట్ ఎలా తయారు చేయాలో ఈరోజు చూద్దాం.
పోపు దినుసులు, కాస్త నెయ్యి లేదా నూనె వేసి చేసే ఈ 'ఆనియన్ రైస్' ఘుమఘుమలాడుతూ నోటికి ఎంతో రుచిగా ఉంటుంది. వంట రాని వాళ్లు కూడా బ్యాచిలర్స్ సైతం చిటికెలో చేసుకోగలిగే ఈ సింపుల్ రెసిపీ తయారీ విధానం ఏమిటో ఇప్పుడు వివరంగా తెలుసుకుందాం!
మిగిలిన అన్నంతో 10 నిమిషాల్లో ఘమఘమలాడే బ్రేక్ఫాస్ట్.. ఉల్లిపాయలు మాత్రమే ఉంటే చాలు..ఉదయాన్నే “ఈరోజు టిఫిన్ ఏం చేయను?” అని తల పట్టుకునే వాళ్లకి ఈ రెసిపీ దివ్యౌషధం. ఫ్రిజ్లో కూరగాయలు ఏమీ లేకపోయినా, రాత్రి మిగిలిన అన్నమూ.. రెండు ఉల్లిపాయలు ఉంటే చాలు, నోరూరించే ఉల్లిపాయ అన్నం (ఆనియన్ రైస్) సూపర్ ఈజీగా రెడీ!
కావలసిన పదార్థాలు
మిగిలిన వండిన అన్నం - 1 బౌల్ (పొడిపొడిగా, పలుకుగా ఉండేలా చూసుకోండి)
పెద్ద ఉల్లిపాయలు - 2 (సన్నగా పొడవుగా తరుగు)
నూనె - 2టేబుల్ స్పూన్లు
ఆవాలు - ½ టీస్పూన్
జీలకర్ర - ½ టీస్పూన్
వెల్లుల్లి రెబ్బలు - 4
కరివేపాకు - 2 రెమ్మలు
పచ్చిమిర్చి - ౩ (ముక్కలు లేదా చీలికలు)
జీడిపప్పు / పల్లీలు - గుప్పెడు (ఐచ్ఛికం, కానీ ఇస్తే టేస్ట్ సూపర్)
పసుపు - చిటికెడు
కారం పొడి - 1 టీస్పూన్ (మీ స్పైస్ లెవెల్ ప్రకారం)
గరం మసాలా - ¼ - ½ టీస్పూన్
ఉప్పు - రుచికి తగినంత
కొత్తిమీర - అలంకరణకు
ALSO READ:ఆనపకాయ జ్యూస్ను మరచిపోకుండా రోజూ తాగండి.. అద్భుతమైన ఆరోగ్య లాభాలు మీ సొంతం అవుతాయి!తయారీ విధానం (స్టెప్ బై స్టెప్)
అన్నం పొడిగా, పలుకుగా ఉండేలా చేత్తో నీళ్లు చల్లి సరిచేసుకోండి. పక్కన పెట్టండి.కడాయి పెట్టి నూనె వేడెక్కించండి. ఆవాలు, జీలకర్ర వేసి చిటపటలాడనివ్వండి.దంచిన వెల్లుల్లి, జీడిపప్పు వేసి లైట్ గోల్డెన్ కలర్ వచ్చే వరకు వేయించండి.
కరివేపాకు, పచ్చిమిర్చి ముక్కలు వేసి 10 సెకన్లు వేగనివ్వండి.సన్నగా తరిగిన ఉల్లిపాయలు వేసి మీడియం మంట మీద పచ్చివాసన పోయి, అంచులు బంగారు రంగు వచ్చేవరకు బాగా వేయించండి (ఇక్కడే మెయిన్ టేస్ట్ వస్తుంది, తొందరపడకండి).
మంట తగ్గించి పసుపు, కారం పొడి, గరం మసాలా, ఉప్పు వేసి ౩౦-4౦ సెకన్లు మాత్రమే కలుపుతూ వేయించండి (మాడకుండా జాగ్రత్త).ఇప్పుడు అన్నం వేసి కింది నుంచి పైకలా మెల్లిగా కలపండి. అన్నం విరగకుండా జాగ్రత్త. 2 నిమిషాలు మూత పెట్టి సిమ్ లో ఉంచితే మసాలా బాగా పడుతుంది.
స్టవ్ ఆఫ్ చేసి పైన కొత్తిమీర చల్లండి. అంతే.. వేడి వేడి ఘమఘమలాడే ఉల్లిపాయ అన్నం రెడీ! పచ్చడి, పెరుగు లేదా కూడా ఏమీ అవసరం లేదు.. ఒక్కటే తింటే చాలు నోరు ఉరిమేస్తుంది రేపటి నుంచి మిగిలిన అన్నం పడేయొద్దు.. ఉల్లిపాయ అన్నం చేసుకోండి!
